گه‌ڕان

Shadow Shadow
سیاسه‌تی

عێراق لەگەڵ کۆمپانیایەکى ئەمریکى ’’رێککەوتووە بۆ دامەزراندنى کۆمپانیایەکى وزە’’

2020.08.26 - 09:01
عێراق لەگەڵ کۆمپانیایەکى ئەمریکى ’’رێککەوتووە بۆ دامەزراندنى کۆمپانیایەکى وزە’’

ناس کورد-

 

وەزیرى نەوتى عێراق ڕایگەیاند، وەزارەتەکەى لەگەڵ کۆمپانیاى شیفرۆنیى ئەمریکیى دا رێکەوتنێکى سەرەتایى کردووە بۆ دامەزراندنى کۆمپانیایەکى تایبەت بەوزە بۆ کارکردن لە کێڵگەى نەوتى زیقار بەشێوەیەکى پیشکەوتوو.

 

لەچاوپێکەوتنێکدا لەگەڵ ڕۆژنامەى سەباح، ئیحسان عەبدولجەبار وەزیرى نەوتى عێراق ڕایگەیاندووە، رێککەوتنەکە لەمیانى سەردانەکەى سەرۆک وەزیران و شاندى یاوەرى بۆ واشنتۆن واژوو کراوە و بەسەرەتایەکى نوێ بۆ گەشەپێدان و ڕەخساندنى هاوبەشێتى ڕاستەقینە دادەنرێت لەگەڵ ئەو کۆمپانیایانەى کە خاوەنى ئەزمون و شارەزاین لەگەڕان و پێشخستندا.

 

ئاماژەى بۆ ئەوەشکردووە، کۆمپانیا ئەمریکیە گەورەکان جدین لەکار کردن لەعێراقدا، سەردانەکەى سەرۆک وەزیرانیش بۆ ویلایەتە یەکگرتووەکانى ئەمریکا ڕێککەوتنى بۆ گۆڕانکارى لەفەلسەفەى ئابووریدا هێنایە کایەوە بۆ ئەوەى ئەو کۆمپانیایانە لە عێراقدا لەبەرەو پێشبردنى شێوازى ئابوورى کاربکەن.

 

عەبدولجەبار جەختى لەسەر ئەوەش کردووەتەوە، نرخەکانى نەوت لەدواى ساڵى 2030ەوە ناتوانێت پابەندبوون دروستبکات و جێگرەوەى عێراقیش کارکردنە بۆ گەشەپێدانى ناوخۆى لەڕێگەى فراوانکردنى سود وەرگرتن لەبەهاى بەرهەمە پیشەسازییەکان لەنمونەى پترۆکیماییەکان.

 

وەزیرى نەوتى عێراق پێشبینى ئەوەشى کرد، کارەکانى ئامادە کردنى پاڵاوگەى بێجى لەساڵى 2023 تەواو بێت و لەهەمان ساڵیشدا پاڵاوگەى کەربەلاش بخرێتە کار.