گه‌ڕان

Shadow Shadow
سیاسه‌تی

داوا لە حکومەتی هەرێم دەکات مافە ڕەواکانی هاووڵاتیان فەراهەم بکات

کۆمسیۆنى مافەکانى مرۆڤ راگەیەندراوێکى لەبارەى خۆپیشاندانەکانى هەرێم بڵاوکردەوە 

2020.08.24 - 09:08
App store icon Play store icon Play store icon
کۆمسیۆنى مافەکانى مرۆڤ راگەیەندراوێکى لەبارەى خۆپیشاندانەکانى هەرێم بڵاوکردەوە 

ناس کورد-

کۆمسیۆنی مافەکانی مرۆڤ لەعێراق نیگەرانی خۆی لەبارەی خۆپیشاندانەکانی هەرێمی کوردستان نیشاندا و داوای لە هێزە ئەمنییەکانی هەرێم کرد دانبەخۆیاندا بگرن و مافی خۆپیشاندەران پێشیڵ نەکەن، بە پێویستیزانی خۆپیشاندەران پارێزگاری لە موڵکی گشتی بکەن وپابەندی ڕێکارەکانی خۆپیشاندانی ئاشتیانە بن.

 

کەناڵی ناس کورد لە تێلیگرام جۆین بکە   

کۆمسیۆنی مافەکانی مرۆڤ لە عێراق ڕاگەیاندراوێکی بڵاوکردەوە و تیایدا هاتووە "بە نیگەرانییەوە چاودێری خۆپیشاندانەکانی هەرێمی کوردستان دەکەین بەتایبەتی ئەو ڕوداوانەی کە یاوەری خۆپیشاندانەکان بوون، کەلە ئاکامدا ژمارەیەک لە خۆپیشاندەران و ئەندامانی هێزە ئەمنییەکان برینداربوون و بوو بەهۆی سوتاندن و زیانگەیاندن بە موڵکی گشتی".

 

ئاماژە بەوەشکراوە، "کۆمسیۆنی مافەکانی مرۆڤ لە عێراق جەخت لە مافی خۆپیشاندانی ئاشتیانە دەکاتەوە کە لە دەستوری عێراقدا گەڵاڵە کراوە و لە هەمانکاتیشدا داوا لە حکومەتی هەرێمی کوردستان دەکەین گوێڕایەڵی داواکارییەکانی خۆپیشاندەران بێت و مافە ڕەواکانیان لە بنبڕکردنی بێکاری، باشترکردنی گوزەرانیان وخەرجکردنی موچەی فەرمانباران جێبەجێ بکات".

 

لەڕاگەیەندراوەکەدا، کۆمسیۆنی مافەکانی مرۆڤ لە عێراق داواشیکردووە، هێزە ئەمنییەکانی هەرێمی کوردستان بەوپەڕی وریاییەوە مامەڵە لەگەڵ خۆپیشاندەراندا بکەن و دانبەخۆیاندا بگرن و ژیانی خۆپیشاندەران بپارێزن و مافەکانیان پێشێل نەکەن لە هەمانکاتیشدا داوا لە خۆپیشاندەران دەکات پابەندی ڕێکارەکانی خۆپیشاندانی ئاشتیانە بن و دووربکەونەوە لە ئەنجامدانی توندوتیژی ودەستدرێژیکردن بۆ سەر موڵکی گشتی.

 

بەهۆی خراپی باری گوزەرانی هاووڵاتیانی هەرێمی کوردستان و بڕینی موچەى فەرمانبەران لەچەند ڕۆژی ڕابردوودا خۆپیشاندان لە ژمارەیەک شار و شارۆچکەى هەرێمى کوردستان ئەنجامدرا و بەو هۆیەشەوە لە هەندێ شوێن پێکدادان لە نێوان هێزە ئەمنییەکان وخۆپیشاندەران ڕوویدا وتوندوتیژی لێکەوتەوە.