گه‌ڕان

Shadow Shadow
سیاسه‌تی

پڕۆژەی سیستمی ئەلیكترۆنی سكاڵانوسەكانی هاتووچۆی سلێمانی کرایەوە

2020.08.23 - 14:07
پڕۆژەی سیستمی ئەلیكترۆنی سكاڵانوسەكانی هاتووچۆی سلێمانی کرایەوە

ناس کورد-

ئەمڕۆ پڕۆژەی سیستمی ئەلیكترۆنی سكاڵانوسەكانی هاتووچۆی سلێمانی کرایەوە و چیتر مامەڵەی هاوڵاتیان لە بەڕێوەبەرایەتییەکە بە ئەلکترۆنی دەبێت، بەڕێوەبەری بەڕێوەبەرایەتییەکەش دەڵێت، ئەو سیستمە بۆ زوو ڕاییكردنی مامەڵەی هاووڵاتیان گرنگی زۆری هەیە.

 

ئەمڕۆ یەکشەممە 23ی ئابی 2020، لەڕاگەیەندراوێکدا بەشی ڕاگەیاندنی هاتوچۆی سلێمانی ڕایگەیاند: "ئەمڕۆ یەکشەممە، لیوا چەتۆ ساڵح، بریكاری وەزیری ناوخۆی حكومەتی هەرێمی كوردستان بەمەبەستی كردنەوەی پرۆژەی سیستمی ئەلەكترۆنی سكاڵا نوسەكانی بەڕێوەبەرایەتی هاتووچۆی سلێمانی كە لەلایەن كۆمپانیای (ژاڵەی دەربەند)ەوە جێبەجێكراوە، بەیاوەری سەرۆكی ئەنجومەنی پارێزگای سلێمانی سەردانی هاتووچۆی سلێمانیان كرد و لەلایەن بەڕێوەبەری هاتووچۆی سلێمانی ‌ پێشوازیان لێكرا."

 

ئاماژەی بەوەشکراوە، لەمەراسیمی كردنەوەی پرۆژەكەدا بەڕێوەبەری هاتووچۆی سلێمانی ڕایگەیاند: " سیستمی بە ئەلكترۆنی كردنی سكاڵا نوسەكان گرنگی تایبەتی هەیە بۆ پاراستنی داتا‌و مامەڵەكان ‌و بەستنەوەی سیستمەكە بە سێرڤەری بەڕێوەبەرایەتی هاتووچۆوە، هەروەها بۆ زوو ڕایی كردنی مامەڵەی هاوڵاتیان گرنگی زۆری هەیە."

 

بەگوێرەی ڕاگەیەندراوەکە، بریكاری وەزیری ناوخۆ لەوتەیەكدا جەختی لەوەكردەوە، سیستمی بەئلەكترۆنی كردنی سكاڵا نوسەكانی هاتووچۆی سلێمانی گرنگی زۆری هەیە لە زوو ڕایی كردنی مامەڵەی هاووڵاتیان، وتیشی: "بەڕێوەبەرایەتی هاتووچۆی سلێمانی هەنگاوی باشی ناوە لە زوو ڕایی كردنی مامەڵەی هاووڵاتیان‌ و خزمەتكردنی هاوڵاتیاندا."