گه‌ڕان

Shadow Shadow
سیاسه‌تی

هەرێم؛ لە هەر کاتژمێرێکدا کەسێک بە کۆرۆنا گیانلەدەستدەدات

2020.08.23 - 13:24
هەرێم؛ لە هەر کاتژمێرێکدا کەسێک بە کۆرۆنا گیانلەدەستدەدات

ناس کورد-

بەگوێرەی ئامارەکانی وەزارەتی تەندروستی لەماوەی یەک هەفتەی ڕابردوودا لە هەرێمی کوردستان، سێ هەزار و 712 توشبووی نوێی کۆرۆنا دەستنیشانکراون و 163 توشبووش گیانیانلەدەستداوە، واتە هەر کاتژمێرێک نزیکەی کەسێک گیانیلەدەستداوە.

 

ئەمڕۆ یەکشەممە، 23ی ئابی 2020، وەزارەتی تەندروستیی هەرێم ئامارێکی تایبەت بەکۆرۆنای لە هەفتەی ڕابردوودا بڵاوکردووەتەوە و بەگوێرەی ئامارەکە، لە هەفتەی ڕابردوودا 27 هەزار و 348 پشکنینی تایبەت بە کۆرۆنا لە هەرێمی کوردستان کراون.

 

هاوکات بەگوێرەی ئامارەکە، سەرەنجامی ئەو پشکنینانە سێ هەزار و 712 توشبووی نوێی ڤایرۆسەکە دەستنیشانکراون.

 

بەگوێرەی ئامارەکە، هەر لە هەفتەی ڕابردوودا 163 توشبووی ڤایرۆسەکە گیانیانلەدەستداوە، واتە لە هەر 24 کاتژمێرێکدا زیاتر لە 23 کەس، ئەوەش بەواتای لە هەرێمی کوردستان لە هەر کاتژمێرێکدا کەسێک بە کۆرۆنا گیانلەدەستدەدات.