گه‌ڕان

Shadow Shadow
سیاسه‌تی

نزيكەى 10 هەزار وێنەى قوربانييەكانى پێبووە

وێنە؛ لە كەركوك كەسێك بەتۆمەتى هەڵخەڵەتاندنى ژنان دەستگيركرا

2020.08.22 - 21:31
وێنە؛ لە كەركوك كەسێك بەتۆمەتى هەڵخەڵەتاندنى ژنان دەستگيركرا

 

ناس کورد- 

دەزگاى ئاسايشى نيشتمانى لە پارێزگاى كەركوك ئاشكرايكرد، كەسێكيان دەستگيركردووە كە هاووڵاتيان و ژنانى فريوداوە و دواتر هەڕەشەى لێكردوون بۆ بەدەستهێنانى پارە و لەكاتى دەستگيركردنيدا 10 هەزار وێنەى قوربانييەكانى پێ گيراوە.

 

دەزگاى ئاسايشى نيشتمانى لە پارێزگاى كەركوك راگەیەندراوێکدا بڵاويكردوەتەوە، كەسێكيان دەستگير كردووە كە خۆى وەك ئەفسەر ناساندووە و هاووڵاتيانى بەشێوەی ئەلكترۆنى فريوداوە.

 

ڕونيشكراوەتەوە، ئەو كەسە دواتر هەڕەشەى لە هاووڵاتيان بەتايبەتى ژنان كردووە لە تۆڕە كۆمەڵايەتيەكان بۆ ئەوەى پارەى بدەنێ، لەكاتى دەستگيركردنيشيدا نزيكەى 10 هەزار وێنەى قوربانيەكانى پێگيراوە.

 

ئەوەش هاتووە، دەستگيركردنەكە لەرێگەى دانانى بۆسەيەكەوە بووە، هەروەها چەندين سيم كارتى پێگيراوە و چەندين هەژماری ساختەى لەتۆڕە كۆمەڵايەتيەكان دروستكردووە بۆ كارەكەى.

 

دەزگاكە تەئكيديشى كردووەتەوە، كەسەكە و بەڵگەكانيش ڕادەستى لايەنى دادوەرى كراو، بۆ ئەوەى ڕێوشوێنى ياسايى پێويست بەرامبەرى بگيردرێتە بەر.