گه‌ڕان

Shadow Shadow
سیاسه‌تی

يەكيان پەيوەندى بە هەرێمى كوردستانەوە هەيە

پەيمانگايەكى ئەمريكى: سێ هۆكار ڕێگربوون لە وەبەرهێنانى ئەمريكا لە عێراق

2020.08.22 - 20:43
پەيمانگايەكى ئەمريكى: سێ هۆكار ڕێگربوون لە وەبەرهێنانى ئەمريكا لە عێراق

ناس کورد- 

پەيمانگاى هيدسۆنى ئەمريكى بۆ شيكردنەوەى سياسى و سەربازى ئەمريكى دەڵێت، سەردان و كۆبونەوەكانى مستەفا كازمى سەرۆك وەزيرانى عێڕاق بۆ ئەمريكا باش بووە و ئاماژە بەوەشدەدات كە پێشتر سێ هۆكار ڕێگربوون لەبەردەم وەبەرهێنانى ئەمريكى لە عێڕاق.

 

ڕيچارد ويتز بەڕێوەبەرى پەيمانگاى هيدسۆنى ئەمريكى بۆ شيكردنەوەى سياسى و سەربازى لە ڕاپۆرتێكدا باسى لەوەكردووە، سەردانەكەى مستەفا كازمى بۆ ئەمريكا و كۆبونەوەكەى لەگەڵ ترامپ و كۆبونەوەكانى تريشى باش بوون وەفدى عێراقى دەستكەوتيان هەبووە لە ڕووى ئابورييەوە.

 

ئاماژەى بەوەشداوە، ترامپ باسى لە ڕێكەوتن لەگەڵ عێراق بۆ فرۆشتنى چەكى زياتر و گرێبەستەكانى بوارى وزە كردووە، سەرەڕاى ئەوەش بابەتى بوونى سەربازى چارەسەر كراوە و پێويستە چاوەڕێى دواى هەڵبژاردنى سەرۆكايەتى ئەمريكا بكەين.

 

ويتز سەبارەت بە ڕێكەوتنەكانى نێوان ئەمريكا و عێراق باسى لەوەكردوە، كێشە لە جێبەجێكردنى گرێبەست و ڕێكەوتنەكانى نێوان هەردوو وڵات هەيە ئەويش بەهۆى سێ هۆكار، يەكەميان ئاڵنگارييە ئەمنيەكان و نەبوونى سەقامگيرى پێويست، وەزارەتەكانى عێراق چالاك نەبوون لە گۆڕانكارى لە هەندێك لە ياساكاندا، سێيەميش ناكۆكى لەنێوان حكومەتى ناوەند و حكومەتى هەرێمى كوردستاندا هەبووە ئەوانەش بوونەتە هۆى پەكخستنى جێبەجێكردنى رێكەوتن و گرێبەستەكانى نێوان بەغدا و واشنتۆن.

 

بەڕێوەبەرى پەيمانگاى هيدسۆنى ئەمريكى بۆ شيكردنەوەى سياسى و سەربازى تەئكيديشى كردووەتەوە، ولايەتە يەكگرتووەكان پەيوەنديەكى باشى لەنێوان هەولێر و بەغدا دەوێت بۆ ئەوەى وەبەرهێنان بكات، چونكە بوونى ناكۆكى و نەبوونى كەشێكى سەقامگير دەبێتە ڕێگر.