گه‌ڕان

Shadow Shadow
سیاسه‌تی

وێنە و ڤیدیۆ.. خۆپیشاندەران ’’بە شۆفڵ’’ بارەگای حەوت حزبیان لە ناسریە ڕووخاند

2020.08.22 - 14:56
App store icon Play store icon Play store icon
وێنە و ڤیدیۆ.. خۆپیشاندەران ’’بە شۆفڵ’’ بارەگای حەوت حزبیان لە ناسریە ڕووخاند

ناس کورد-

ئەمڕۆ خۆپیشاندەرانی شارى ناسریە هەڵیانکوتایە سەر بارەگاى حزبە سیاسیەکانى شارەکە و بە شۆفڵ و کەرەستەیەکی تر سەرجەمیان ڕووخاند.

کەناڵی ناس کورد لە تێلیگرام جۆین بکە   

 

ئەمڕۆ شەممە، 22ى ئابى 2020، وەک ناڕەزایەتی بەرانبەر ئەو تەقینەوەى شەوی ڕابردو لە گۆڕەپانی خۆپیشاندەران ڕوویدا، هەروەها لە دژی کوشتنی چالاکوانان و نەبوونی خزمەتگوزاری و بێکاری ژمارەیەک لە خۆپیشاندەرى شارى زەیقار هەڵیانکوتاوەتە سەر بارەگای حەوت حزبی و سوتاندیان.

بەپێى زانیارییەکانى ناس کورد، خۆپیشاندەران هەڵیانکوتاوەتە سەر بارەگاکانى حزبى شیوعى و عەسائیبى ئەهلى هەق و ڕێکخراوى بەدر و حزبى دەعوە و ڕەوتى حیکمە و ڕووخاندوویانە.

 

سەرهەڵدانى ناڕەزایەتى و خۆپیشاندانى هاوڵاتیان دواى ئەوە دێت، ماوەیەکە بەشەو ڕۆژ هێرشى گولە دەکرێتە سەر چالاکانى چەند پارێزگایەکى ناوەڕاست و خوارووى عێراق ئەوەش دەبێتە هۆى کوژران و برینداربوونیان، سەربارى خراپى بارودۆخى ژیان و بێ خزمەتگوزارى ناوچەکە لەڕووى کارەبا و چەند پێداویستیەکى دیگەى ڕۆژانەوە.