گه‌ڕان

Shadow Shadow
سیاسه‌تی

حەوت کەسى دیکەش برینداربوون

چوار کەس لە دوو تەقینەوەدا لە رومادى و دیالە کوژران

2020.08.21 - 23:34
چوار کەس لە دوو تەقینەوەدا لە رومادى و دیالە کوژران

ناس کورد-

 

بەهۆى روودانى تەقینەوەیەکەوە لە پارێزگاى ئەنبار چوار کەس کوژران و سیانى دیکەش برینداربوون، تەقینەوەیەکى دیکەش لە پارێزگای دیالە برینداربوونى چوار سەربازى لێکەوتەوە.

 

سەرچاوەیەکى ئەمنى لە پارێزگاى ئەنبار ڕایگەیاند، چوار کەس کە منداڵیشیان تێدایە کوژراون سێ کەسی دیکەش برینداربوون، بەهۆى تەقینەوەى بۆمبێکەوە لە خۆرئاواى شارى رومادى ناوەندى پارێزگاکە.

 

رونیشیکردووەتەوە، بۆمبەکە بە خێزانێکدا تەقیوەتەوە لەناوچەى (سەبعە کیلو) لە خۆرئاواى قەزاى رومادى.

 

ئیبراهیم عوسج قایمقامى رومادى بە ناس کوردى ڕاگەیاند، تەقینەوەکە بەهۆى هاوەنێکى کۆنەوە روویداوە کە پاشماوەى داعشە لەو ناوچەیە و هێشتا هەزاران بۆمب و پاشماوەى دیکە لەدەوروبەرى رومادى بونیان هەیە.

 

هەر ئەمڕۆ چوار سەربازى سوپاى عێراق برینداربوون بەهۆى تەقینەوەى بۆمبێکى چێنراوەوە لە پارێزگاى دیالە.

 

سەرچاوەیەکى ئەمنى بە ناس کوردى ڕاگەیاند "بۆمبە چێنراوەکە لە نزیک گوندى لهیب سەر بە قەزاى میقدادیە لە باکورى رۆژهەڵاتى دیالە بە ئۆتۆمبلێکى سەربازیدا لەجۆرى هەمەر تەقیوەتەوە، بەهۆیەوە ئۆتۆمبیلەکە سوتاوە و چوار سەرباز برینداربوون".

 

وتیشى بریندارەکان گواستراونەتەوە بۆ نەخۆشخانەى نزیک لە شوێنەکە بۆ وەرگرتنى چارەسەر.