گه‌ڕان

Shadow Shadow
سیاسه‌تی

خۆپیشاندەرانى بەسرە نوسینگەى پەرلەمان گەمارۆ دەدەن

2020.08.21 - 20:54
App store icon Play store icon Play store icon
خۆپیشاندەرانى بەسرە نوسینگەى پەرلەمان گەمارۆ دەدەن

ناس کورد-

 

خۆپیشاندەرانى بەسرە نوسینگەى پەرلەمانى عێراقیان گەمارۆداوە و پۆلیسى پارێزگاکەش دەڵێت تا ئەوپەڕى ئاست پابەندن بە دان بەخۆداگرتن.

کەناڵی ناس کورد لە تێلیگرام جۆین بکە   

 

بەپێی گرتەیەکى ڤیدیۆیی دەردەکەوێت، بڵێسەى ئاگر لەبەشێک لە نوسینگەى پەرلەمانەوە بەرزدەبێتەوە، کە لەلایەن خۆپیشاندەرانەوە گەمارۆدراوە، وەک ناڕەزاییەک بەرانبەر دۆخى خزمەتگوزاریی و هەڵمەتەکانى تیرۆرکردنى چالاکوانان.

 

بەوتەى سەرچاوەیەکى ئەمنى، تیمەکانى بەرگرى شارستانى گەیشتونەتە شوێنەکە و ئاگرەکەیان کۆنترۆڵکردووە.

 

لاى خۆیەوە، پۆلیسى پارێزگاى بەسرە لەبەیاننامەیەکدا ڕایگەیاند "پۆلیس تا ئەوپەڕى ئاست پابەندە بە دان بەخۆداگرتن، سەرەڕاى بەکارهێنانى بۆمبى مۆلۆتۆف و هەڵدانى بەرد لەلایەن خۆپیشاندەرانەوە".

 

ئاماژەى بەوەشکردووە، سەرەڕاى مامەڵەى باش لەگەڵ خۆپیشاندەران و پاراستنیان، هێرشکراوەتە سەر هێزە ئەمنییەکان و ژمارەیەک ئەندامى هێزە ئەمنییەکان برینداربوون.