گه‌ڕان

Shadow Shadow
سیاسه‌تی

وەزیری نوێی سامانە سروشتییەکان یەکلاییکراوەتەوە و بەمنزیکانە بە فەرمی دەستبەکاردەبێت

2020.08.20 - 21:39
App store icon Play store icon Play store icon
وەزیری نوێی سامانە سروشتییەکان یەکلاییکراوەتەوە و بەمنزیکانە بە فەرمی دەستبەکاردەبێت

ناس کورد-

لەدوای پێکهێنانی کابینەی نۆیەمی حکومەتی هەرێمی کوردستان تاوەکو ئێستا حکومەتەکە بێ وەزیری سامانە سروشتییەکانە، سەرچاوەیەکی ئاگاداریش لەو پرسە دەڵێت، پارتی کاندیدی ئەو پۆستەی یەکلاییکردووەتەوە و تەنها بەفەرمی دەستبەکاربوونی ماوە کە بەمنزیکانە دەبێت.

کەناڵی ناس کورد لە تێلیگرام جۆین بکە   

 

"وەزارەتی سامانە سروشتییەکان کە پشکی پارتی دیموکراتی کوردستانە، لەڕووی سیاسییەوە ئەو حزبە کاندیدی وەزارەتەکەی یەکلایی کردووەتەوە کە شێخ باز بەرزنجی دەبێت."

 

وتیشی: "شێخ باز بەشداری چەندین کۆبوونەوەی ئەنجومەنی وەزیرانی کردووە کە تایبەت بووە بە پرسی نەوت و تەنها ئەوە ماوە بە فەرمی بناسێنرێت و لە پەرلەمانی کوردستان دەنگی پێبدرێت و پێدەچێت بەمنزیکانە ئەوەش ڕووبدات."

 

ئەمەش لەکاتێکدایە، لەکابینەی نۆیەمی حکومەتی هەرێم، تائێستا وەزارەتی سامانە سروشتییەکان بەبێ وەزیر ماوەتەوە و بەگوێرەی دەنگۆ میدیاییەکانیش، پڕنەکردنەوەی ئەو پۆستە لەکاتی خۆیدا بۆ مەلەفە ناڕوونەکانی ئەو وەزارەتە دەگەڕێتەوە.