گه‌ڕان

Shadow Shadow
سیاسه‌تی

’درێژە بەگەمارۆی هەناردەکردنی چەک بۆ ئەو وڵاتە دەدەین’  

پۆمپیۆ پێشبینى دەکات بەمزووانە سزا بەسەر ئێراندا بسەپێنرێت 

2020.08.19 - 21:30
App store icon Play store icon Play store icon
پۆمپیۆ پێشبینى دەکات بەمزووانە سزا بەسەر ئێراندا بسەپێنرێت 

ناس کورد-

وەزیری دەرەوەی ئەمریکا ڕایگەیاند، وڵاتەکەی بەمەبەستی دووبارە سەپاندنەوەی گەمارۆ لەسەر هەناردەکردنی چەک بۆ ئێران سکاڵایەک لە ئەنجومەنی ئاسایشی سەر بە نەتەوە یەکگرتووەکان دژ بەو وڵاتە تۆمار دەکەن.

 

کەناڵی ناس کورد لە تێلیگرام جۆین بکە   

ماێک پۆمپۆ، وەزیری دەرەوەی ئەمریکا بەمیدیا جیهانییەکانی ڕاگەیاند، وڵاتەکەی بەنیازە سزای توند بەسەر ئێران بسەپێنێت، بەتایبەتی دوای ئەوەی ئەنجومەنی ئاسایشی سەر بە نەتەوە یەکگرتووەکان  کە لە 15 وڵات پێکهاتووە داوایەکی ئەمریکایان ڕەتکردوەتەوە بۆ نوێکردنەوەی گەمارۆ لەسەر هەناردەکردنی چەک بۆ ئێران کە بڕیارەکە لەساڵی  1979  تائێستا کارایە".

 

 پۆمپیۆ، ئاماژەی بەوەکرد، ئەمریکا لە هەوڵی ئەوەدایە جارێکی دیکە سزاکان درێژەیان پێبدرێتەوە بۆ ئەو مەبەستەش سکاڵایەک لەسەر ئێران لە ئەنجومەنی ئاسایش تۆمار دەکەن.

 

بەگوێرەی ڕێککەوتنی نێوان ئێران و وڵاتانی (پێنج کۆی یەک ) کە لە ساڵی 2015واژووکراوە کە تایبەتە بە سنوردارکردنی بەرنامە ئەتۆمییەکەی ئێران، دەبێت گەمارۆی هەناردەکردنی چەک بۆ ئەو وڵاتە لە کۆتایی ئەمساڵدا هەڵبوەشێتەوە ئەمەش لە کاتێکدایە   کە ئەمریکا لە ساڵی 2018 لەو ڕێککەوتنە کشایەوە.