گه‌ڕان

Shadow Shadow
سیاسه‌تی

’نێردە دبلۆماتییەکانی تورکیا لەو کارە تێوەگلاون’ 

ڕاوەدونانى نەیارانى حکومەتەکەى ئەردۆگان گەیشتە هیندستان 

2020.08.19 - 16:48
App store icon Play store icon Play store icon
ڕاوەدونانى نەیارانى حکومەتەکەى ئەردۆگان گەیشتە هیندستان 

ناس کورد-

ماڵپەرێکى هەواڵی سویدی ئاشکرای کرد، تورکیا لە ڕێگەی نێردە دبلۆماتییەکانییەوە لە جیهان شاڵاوی بەرفراوانی دژ بە ڕەخنەگران و نەیارانی بەرپاکردوە و جەخت لەسەر ئەوە دەکەنەوە "هەڵمەتەکانی حکومەتەکەی ئەردۆگان دژى نەیارەکانى گەیشتووەتە وڵاتی هیندستان".

 

کەناڵی ناس کورد لە تێلیگرام جۆین بکە   

ئەمڕۆ (چوارشەممە، 19ی ئابی 2020) ماڵپەرى"نۆردێک مۆنیتەر"ی سویدی پسپۆر لە کاروباری تورکیا بڵاویکردەوە "شاڵاوی بەرەنگاربوونەوە و ڕاوەدوونانی نەیارانی حکومەتەکەی ڕەجەب تەیب ئەردۆگان، سەرۆککۆماری تورکیا گەیشتووەتە وڵاتی هیندستان و چوارچێوەی وڵاتانی دەوروپشتی تێپەڕاندووە".

 

 ماڵپەرە سویدییەکە ئاماژەی بەوە کردووە "پێشتر هەڵمەتەکانی ڕاوەدوونانی نەیارانی ئەردۆگان تەنها لەو وڵاتانە ئەنجامدەدران کەلەڕووی جوگرافیاوە لە تورکیاوە نزیک بوون، بەڵام ئێستا کار گەیشتووەتە ئەوەی تورکیا ئەو هەڵمەتە بگەیەنێتە وڵاتی هیندستان کە بەدووری هەزاران کیلۆمەتر لەو وڵاتەوە دوورە".

 

بەگوێرەی ماڵپەرە سویدییەکە ،"دەسەڵاتدارانی تورکیا  تۆمەتی تیرۆریان خستووەتە پاڵ دەیان هاووڵاتی تورکیا کە لەوڵاتی هیندستان دەژین و کار دەکەن، لەسەر بنەمای بەڵگەی ساختە و دروستکراو".

 

ئەوەشخراوەتە ڕوو "نێردە دبلۆماتییەکانی تورکیا لە جیهان تێوەگلاون لە تۆمەتبارکردنی ئەو هاووڵاتیانە بەجۆرێک لەنێوان ساڵانی 2016- 2018 کارمەندانی باڵوێزخانەی تورکیا لە هیندستان دەیان ڕاپۆرتی سیخوڕییان لەسەر ئەو هاووڵاتیانە دروستکردووە، لەسەر بنەمای ئەو ڕاپۆرتانەش لەکۆتایی ساڵی2018 داواکاری گشتیی تورکیا لێکۆڵینەوەى لەگەڵ 12 هاووڵاتی تورکیا کردووە کە لەوڵاتی هیندستان دەژین".

 

باسلەوەشکراوە "حکومەتەکەی ئەردۆگان ئەو هاووڵاتیانەیان تۆمەتبارکردووە بە تیرۆر کە ماوەی زیاتر لە 20 ساڵە لە وڵاتی هیندستان دەژین و زۆربەیان ئەندامی ژووری بازرگانی هاوبەشی تورکیا و هیندستانن و لەگەڵ ئەندامانی ڕێکخراوی (ئیندیاڵۆگ) کە ڕێکخراوێکی کلتوری و ڕۆشنبیرییە و چالاکی زۆری لەو بوارە لە وڵاتی هیندستان هەیە".