گه‌ڕان

Shadow Shadow
سیاسه‌تی

مەترسى بۆسەر 70 جۆر ڕووەك دروست كردووە

ئەمریکا هۆشداری دەدات لە مێروویەکی ئاسیایی.. ’’هەر بینیتان بیکوژن’’

2020.08.19 - 10:28
ئەمریکا هۆشداری دەدات لە مێروویەکی ئاسیایی.. ’’هەر بینیتان بیکوژن’’

ناس کورد- 

دەسەڵاتدارانى سەرجەم ناوچەكانى ڕۆژهەڵاتى ولايەتە يەكگرتووەكانى ئەمريكا هۆشدارى لە بوونى جۆرە مێروويەك دەدەن و داوا لە هاوڵاتيان دەكەن ئەگەر بينيان بيكوژن.

 

پێگەى "بۆى جينيس ڕيپۆرت" بڵاويكردووەتەوە، مێرووى "Spotted lanternfly" یاخود "فانۆسى خاڵاويى" لە ئەمريكا هەراى ناوەتەوە، ئەو جۆرە مێرووە لە ڕێگەى كەشتيیەكان و بارهەڵگرەكانەوە لە ئاسياوە گەیشتووەتە ئەمریکا. 

 

ئەوەش ڕونكراوەتەوە، ئەو جۆرە مێرووە باخ و كێڵگە كشتوكاڵيەكان لەناودەبات و هەڕەشەيە بۆ سەر 70 جۆر لە ڕووەك، بەتايبەتى ترێ و درەختى سێو و ڕووەكى دينار "Hops" دەكاتە ئامانج، ئەوەش ڕاستەوخۆ و بە ئاشكرا كاريگەرى لەسەر بەرهەمى ئەو جۆرە درەخت و ڕووەكانە دەبێت.

 

بەرپرسانى كەنارەكانى ڕۆژهەڵاتى ئەمريكا هاوڵاتيانيش هاندەدەن ئەگەر ئەو جۆرە مێرووەيان بينى دەستبەجێ بيانكوژن ئەگەر پێويستى كرد.

 

يەكێك لە بەرپرسانى ناوچەكە باسى لەوەكردوە، ئەو جۆرە مێرووە بەشێوەيەك هەڕەشە لەسەر ژينگە و كشتوكاڵى ولايەتى نيويۆرك دروست دەكات كە جێى نيگەرانييە، پێويستە سەرجەم ڕێوشوێنە جديیەكان بگيرێنەبەر بۆ كەمكردنەوەى مەترسيەكانى و خاوكردنەوەى بڵاوبوونەوەى.

 

شتێكى دەگمەنە كە بەرپرسانى وڵاتێك بەتايبەتى خۆرئاواييەكان داوا بكەن كە جۆرە مێرويەك ياخود گياندارێكى ديارى كراو بكوژرێت ئەگەر بينرا، بەڵام "فانۆسى خاڵاويى"  شتێكى تەواو جياوازە.