گه‌ڕان

Shadow Shadow
سیاسه‌تی

داعش بەرپرسیارێتی خۆی لە تەقینەوەكانی سریلانكا راگەیاند

2019.04.23 - 15:05
داعش بەرپرسیارێتی خۆی لە تەقینەوەكانی سریلانكا راگەیاند

ناس كورد-
رێكخراوی داعش بەرپرسیارێتی خۆی لە تەقینەوەكانی چەند رۆژی رابردووی وڵاتی سریلانكا راگەیاند و بەوتەی بەرپرسانی سریلانكا تەقینەوەكان لە تۆڵەی هێرشەكانی نیوزلەندا بووە.

.

ئاژانسی هەواڵی رۆیتەرز بڵاوی كردەوە، رێكخراوی داعش لە رێگەی ماڵپەرەكەیەوە بەرپرسیارێتی خۆی لە تەقینەوەكانی سریلانكا راگەیاند.

.

رۆژی 21ی نیسانی 2019، هەشت تەقینەوەی یەك لەدوای یەك شاری كۆڵۆمبۆی پایتەخت و چەند شارێكی دیكەی سریلانكایان هەژاند، تەقینەوەكان لەكاتی بەڕێوەچوونی جەژنی قیامەی مەسیحییەكانی ئەو وڵاتە ڕوویدا.

.

تەقینەوەكان كە دوانیان خۆكوژی بوون سێ كڵێسا و چوار ئوتێلیان كردە ئامانج، پۆلیسی ئەو وڵاتەش 24 كەسی دەستگیركردووە بە تۆمەتی تێوەگلانیان لە تەقینەوەكان.

.
سەرچاوەیەك لە پۆلیسی سریلانكا لە میدیاكانی وتووە، چەند كەسێك لە دەستگیركراوەكان ئەندامی ڕێكخراوە توندڕەوەكانن.
زۆربەی دانیشتوانی سریلانكا بوزین، 10%ی موسڵمانن و 8%ی مەسیحین، تەواوی دانیشتوانەكەشی 22 ملیۆن كەسن.

.
بەپێی ڕاگەیەندراوی پۆلیسی سریلانكا، ئاماری بەركەوتووانی تەقینەوەكانی كلێسا و ئوتێلەكان لە پایتەخت و چەند شارێكی دیكە گەیشتووەتە 290 كوژراو و نزیكەی 500 بریندار.