گه‌ڕان

Shadow Shadow
سیاسه‌تی

دۆخی تەندروستیی شەجەریان ناجێگیرە و لەژێر چاودێریدایە

2020.08.18 - 20:55
App store icon Play store icon Play store icon
دۆخی تەندروستیی شەجەریان ناجێگیرە و لەژێر چاودێریدایە

ناس کورد-

بەڕێوەبەرایەتی نەخۆشخانەی جەم لە تاران لەڕاگەیەندراوێکدا دوایین دۆخی تەندروستیی هونەرمەند، شەجەریانی ئاشکراکرد و ڕایگەیاند، هاوشێوەی ڕابردوو دۆخی خراپە و هیچ نەگۆڕاوە.

کەناڵی ناس کورد لە تێلیگرام جۆین بکە   

 

ئەمڕۆ سێشەممە 18ی ئابی 2020، لەڕاگەیەندراوێکدا نەخۆشخانەی جەم ڕایگەیاند: "دۆخی تەندروستیی هونەرمەندی بەناوبانگ، محەمەد ڕەزا شەجەریان هەروەک پێشتر خراپە و لەژێر چاودێری وردایە."

 

ئەوەش لەکاتێکدایە، سێ ڕۆژ بەرلەئێستا و بەهۆی تەنگەنەفەسی و هاتنەخوارەوی فشاری خوێن، شەجەریان ڕەوانەی نەخۆشخانەی جەم کرا و خرایە ژێر چاودێری وردەوە.

 

دوێنێ دووشەممەش 17ی ئاب، بابەک حەیدەری، بەڕێوەبەری نەخۆشخانەکە ڕایگەیاند: "بەداخەوە کە دۆخی تەندروستیی شەجەریان باش نییە و هیوادارم شتێکی ناخۆش ڕوونەدات."

 

محەمەد ڕەزا شەجەریان، یەکێکە لە هونەرمەندە دەنگخۆشەکانی وڵاتی ئێران و لەدەرەوەی ئێرانیش گوێگر و هەوادارێکی زۆری هەیە، ئەو ماوەی چەند مانگێکە تەندروستیی باش نییە و چەند جارێکیش لە میدیاکانەوە هەوالی مردنی بڵاوکرایەوە.