گه‌ڕان

Shadow Shadow
سیاسه‌تی

سکاڵا لەدژی حکومەت تۆمار دەکەن

یەکەم هەڵوێستی ئەنجومەنی پارێزگای سلێمانی لەبارەی لێبڕینی موچە

2020.08.18 - 19:12
یەکەم هەڵوێستی ئەنجومەنی پارێزگای سلێمانی لەبارەی لێبڕینی موچە

ناس کورد-

ژمارەیەک ئەندامی ئەنجومەنی پارێزگای سلێمانی نوسراوێکیان ئاڕاستەی سەرۆکایەتی ئەنجومەنەکە کردووە بۆ ئەنجامدانی دانیشتنێکی نائاسایی بۆ بەنایاسایی ناساندنی لێببڕینی موچەی فەرمانبەران و تۆمارکردنی سکاڵا لەدژی حکومەتی هەرێم لەدادگای تایبەتمەند.

 

لە نوسراوەکەی ئەو ئەندامانەی ئەنجومەنی پارێزگای سلێمانیدا کە ئاڕاستەی سەرۆکایەتی ئەنجومەنەکە کراوە، هاتووە: "وەک ئاشکرایە ئەنجومەنی وەزیرانی هەرێم بۆ دووەمجار بڕیاری بڕینی موچەی فەرمانبەرانی دا، ئەو کارە نایاساییە و هیچ پاڵپشتێکی یاسایی نییە و پێشێلی مافی ڕەوای فەرمانبەرانە."

 

ئاماژەیان بەوەشكردووە: "ئێمە وەک ئەندامانی ئەنجومەنی پارێزگای سلێمانی کە لەخوارەوە واژۆمان کردووە، داوادەکەین ئەنجومەنی ئەرکی نوێنەرایەتی خۆی لەجێی موچەخۆران جێبەجێبکات، بەم کارانە:

  

1-   ئەنجامدانی کۆبوونەوەی نائاسایی بۆ بە نایاسایی ناساندنی ئەم کارەی ئەنجومەنی وەزیران و بە فەڕمی داواکردن لە پەرلەمانی کوردستان و ئەنجومەنی نوینەرانی عێراق و دەزگا فیدراڵیەکان بۆ گێرانەوەی مافی خوراوی موچە خۆران.

 

2 -ئەنجومەنی پاریزگا وەک نوێنەری خەڵک و موچەخۆران، سکاڵای یاسایی لەدادگای تایبەتمەند لەدژی حکومەتی هەرێم تۆماربکات بۆ گێڕانەوەی مافی موچەخۆران.

 

ئەو ئەندامانەی ئەنجومەنی پارێزگای سلێمانی ئاماژەیان بەوەشکردووە: "ئەگەر ئەنجومەن لەبەر هەر هۆکارێک ئەو کارە ناکات، ئەوا ئێمە وەک ئەندامان ئەو کارە دەکەین."

me_ga.php?id=750

ئەوەش لەکاتێکدایە، دوێنێ دووشەممە 18ی ئابی 2020، ئەنجومەنی وەزیرانی هەرێم بڕیاریدا، موچەی مانگی ئاداریش هاوشێوەی موچەی مانگی شوبات بەلێبڕینەوە دابەشبکرێت.