گه‌ڕان

Shadow Shadow
سیاسه‌تی

زانکۆکانى عێراق و هەرێم لەدەرەوەى ڕیزبەندییەکەى شەنگەهاین بۆ باشترین زانکۆکان 

2020.08.16 - 21:05
App store icon Play store icon Play store icon
زانکۆکانى عێراق و هەرێم لەدەرەوەى ڕیزبەندییەکەى شەنگەهاین بۆ باشترین زانکۆکان 

ناس کورد- 

زانكۆی چیاو تینگی چینی ڕیزبەندییەکى بۆ باشترین هەزار زانکۆ لەسەر ئاستى جیهان بۆ ساڵى 2020 بڵاوکردەوە کە لەڕیزبەندییەکەدا هیچ زانكۆیەكی عێراق و هەرێمی كوردستانى تێدا نەبوو. 

 

کەناڵی ناس کورد لە تێلیگرام جۆین بکە   

بەگوێرەى ئەو ڕیزبەندییە کە زانکۆى چیاو تینگى چینى لە شەنگەهاى بڵاویكردوەتەوە، زانكۆی هارڤاردی ئەمریكی پلەی یەكەمی لەڕیزبەندییەكە گرتووە و بەدوای ئەویشدا زانكۆی ستانفۆردى ئەمریكی بەپلەی دووەم دێت و دواتر و بەپلەی سێیەم زانكۆی كامبرێدجی بەریتانیا و پەیمانگای ماساچۆستس بۆ تەكنەلۆژیای ئەمریكی بەپلەی چوارەم و بەپلەی پێنجەمیش زانكۆی كالیفۆڕنیا دێت.

 

لەڕیزبەندیەكەدا ئەوەش ڕوونكراوەتەوە، زانكۆی عەبدولعەزیز بە پلەی 113 لەسەر ئاستی جیهان و یەكەمی سەر ئاستی وڵاتانی عەرەبی وەكو باشترین زانكۆ هاتووە و بەدوای ئەویشدا زانكۆی شا سعود بەپلەی 159 لەسەر ئاستی جیهان و بەپلەی دووەم لەسەر ئاستی وڵاتانی عەرەبی هاتووە.

 

هەر بەگوێرەى ڕیزبەندییەكەی ئەو زانكۆ چینیە، زانكۆی شا عەبدوڵا بۆ زانست و پێشكەوتنی سعودیە بەپلەی 223 لەسەر ئاستی جیهان و بەپلەی سێیەم لەسەری ئاستی وڵاتانی عەرەبی هاتووە و بەدوای ئەویشدا زانكۆی قاهیرەی میسر بەپلەی چوارەم هاتووە.

 

زانكۆی چیانگ بۆ زانست و تەكنەلۆژیای چینی لەڕێزبەندی كۆتایی پلەبەندیەكەدا هاتووە و پێش ئەویش زانكۆی زەقایقی وڵاتى میسر ناوى هاتووە.