گه‌ڕان

Shadow Shadow
سیاسه‌تی

’’جا هەر کەسێک بێت’’

کازمی: ڕێگە بە کەس نادەین دەستدرێژی بکاتە سەر هێزە ئەمنییەکانی دەوڵەت

2020.08.15 - 17:21
کازمی: ڕێگە بە کەس نادەین دەستدرێژی بکاتە سەر هێزە ئەمنییەکانی دەوڵەت

ناس کورد-

مستەفا كازمى، سەرۆكوەزيرانى عێراق دەڵێت، ڕێگە بە هيچ كەسێك نادەين هاوڵاتيانى عێراق لە مافەكانيان بێبەش بكات، هۆشداريش دەدات لە دەستدرێژيكردنە سەر ئەندامانى هێزە ئەمنيەكان لەكاتى ئەركەكانياندا.

 

كازمى لە میانی ئامادەبوونیدا لە ئاهەنگێكى دەرچونى خولى چاكسازى "كەرتەكانى ناوخۆ-عێراقى نوێ" ڕايگەياند، ڕۆڵى ڕاستەقينەى هێزە ئەمنيەكان پاراستنى هاوڵاتيانە، چونكە ئەوان عێراقین و وڵاتیش شکۆ و ڕێزی نابێت بەبێ گەلێكى ئازاد و بەخشندە.

 

باسى لەوەشكردوە، گەل دەیەوێت هەست بە كەرامەتى بكات لە خاكەكەيدا، هەست بە ئارامى بكات لەنێو كەسوكاريدا كە چەندين دەيەى دور و درێژە برين و ئازار دايپۆشيوە.

 

ئەوەشى بە هێزە ئەمنيەكان وتووە، ئەركى ئێوە بەرگريكردنە لە مافەكانى هەموو عێڕاقيیەك بۆ دەربڕينى بۆچونى خۆى و پاراستنى كەرامەتى، هەروەها وەك بەربەستێكى بەهێز و پتەو لەبەردەم هەوڵەكانى هەندێك بۆ سوكايەتكردن بە هێزە ئەمنيەكان بوەستنەوە.

 

سەرۆكوەزيرانى عێراق جەختیشیکردەوە کە "ڕێگە بە هيچ كەسێك نادەين، جار هەر کەسێک بێت، كە هاوڵاتيانى عێراق لە مافەكانيان بێبەش بكات، ياخود دەستدرێژى بكاتە سەر پياوانى هێزە ئەمنيیەكان لەكاتى جێبەجێكردنى ئەركەكانياندا."

 

دەشڵێت، پێويستە باش خۆپيشاندانەكانمان لەبير بێت كە داواكارى شەرعيان هەبوو بەشێوەيەكى شارستانى و ئاشتيانە، ئەو لە ئێمەيە و ئێمەش لەوين، ئەو ياخود برامانە يان ئامۆزامانە ياخود يەكێكە لە ڕۆڵەكانى عەشيرەتەكەمان، "وەك ئاماژەيەك بۆ ئەندامانى هێزە ئەمنيەكان".

 

مستەفا كازمى ئەوەشى ڕونكردوەتەوە، مێژوو چاودێريمان دەكات و گەل سەيرمان دەكات، پێويستە لەئاست بەسرپرسيارێتيدا بين، پێويستە هەموو خولەك و كاتژمێرێكى ئەم سەردەمەمان وا لێ بكەين كە لەمێژوى شەرەفمەندانەى ئەم وڵاتە كە نغرۆبووە لە ئازار و ئاڵنگارى تۆمار بكرێت.