گه‌ڕان

Shadow Shadow
سیاسه‌تی

دواى تۆمارکردنى بەرزترین ئامارى توشبوون بە کۆرۆنا

تەندروستى عێراق زەنگى مەترسی لێدەدات ’’زیاتر بەرزدەبێتەوە’’

2020.08.15 - 09:33
تەندروستى عێراق زەنگى مەترسی لێدەدات ’’زیاتر بەرزدەبێتەوە’’

ناس کورد-

 

وەزارەتى تەندروستى عێراق نیگەرانى خۆى نیشاندا لە بەرزبوونەوەى بەرچاوى ژمارەى توشبووانى کۆرۆنا و زەنگى مەترسی لێدەدات، ئەوەش دواى ئەوەى دوێنێ هەینى ژمارەى توشبووان بەربەستى چوار هەزار حاڵەتى تێپەڕاند، کە بەرزترین ئامارى رۆژانەیە.

 

ریاز عەبولئەمیر بەڕێوەبەرى گشتى فەرمانگەى تەندروستى بە میدیاى فەرمى عێراقى ڕاگەیاندووە "دۆخەکە جێگەى نیگەرانى جدییە بەهۆى بەرزبوونەوەى ئامارى توشبووانەوە، کە هۆکارەکەى پابەندنەبوونى هاوڵاتییانە بە رێوشوێنەکان و جێبەجێنەکردنى قەدەغەى هاتوچۆى نیمچەییە بەشێوەى دروست".

 

هەروەها پێشبینیکردووە لەچەند رۆژى داهاتوودا زیادبوونى حاڵەتەکانى توشبوون بەردەوام بێت.

 

ریاز عەبولئەمیر دەڵێت "بە قەدەغەى هاتوچۆی نیمچەیی لەناو هاوڵاتیان بەڕێژەى 10% جێبەجێدەکرێت جگە لە رۆژانى پێنج شەممە و هەینى و شەممە کە قەدەغەى هاتوچۆى تەواوەتییە".

 

جەختیشیکردووەتەوە لەسەر پێویستى پابەندبوون بە رێوشوێنە خۆپارێزییەکان، تا رێگرى لە بڵاوبونەوەى زیاترى ڤایرۆسەکە بکرێت.

  

بەپێی ئامارەکانى وەزارەتى تەندروستى عێراق، تا ئێستا 168290 هەزار توشبووى کۆرۆنا تۆمارکراوە، کە 5709 کەسیان مردوون و 120129هەزاریان چاکبوونەتەوە.