گه‌ڕان

Shadow Shadow
سیاسه‌تی

خۆپیشاندان لەڕانیە دەستیپێکردەوە و بریندار و دەستگیرکردنی لێکەوتەوە

2020.08.14 - 18:19
App store icon Play store icon Play store icon
خۆپیشاندان لەڕانیە دەستیپێکردەوە و بریندار و دەستگیرکردنی لێکەوتەوە

ناس کورد-

لەشاری ڕانییە بۆ سێیەم رۆژی لەسەریەک خۆپیشاندان و ناڕەزایەتیی هاووڵاتیان دەستیپێکردەوە و پەیامنێری ناس کوردیش ڕایگەیاند، هێزێکی زۆری ئەمنی لەناو شاردا بڵاوەیان پێکراوە و دەیانەوێت بڵاوە بەخۆپیشاندەران بکەن، هەر بەوبۆنەیەوە خۆپیشاندەرێک بریندارکراوە و دوو خۆپیشاندەریش دەستگیرکران.

کەناڵی ناس کورد لە تێلیگرام جۆین بکە   

 

ئێوارەی ئەمڕۆ هەینی 14ی ئابی 2020، پەیامنێری ناس کورد لەسنوری ئیدارەی ڕاپەڕین ڕایگەیاند، بۆ سێیەم ڕۆژی لەسەریەک خۆپیشاندان لەڕانیە بەردەوامی هەیە و هێزێکی زۆری ئەمنی لەناو شاردا بڵاوەیان پێکراوە.

 

وتیشی، گرژی و ئاڵۆزی لەنێوان خۆپیشاندەران و هێزە ئەمنییەکان دروست بووە و بەهۆیەوە خۆپیشاندەرێک بریندار کراوە و دوو خۆپیشاندەریش دەستگیرکراون.

 

پەیامنێری ناس کورد ئاماژەی بەوەشكرد، لە نێوان شار و شارۆچکەکان بازگەی کاتی دانراون، ئەوەی گومانی خۆپیشانداندەری لئ بکەن ڕێگە نادەن بچێتە شارێکی تر.