گه‌ڕان

Shadow Shadow
سیاسه‌تی

ئامێدى، فڕۆکە جەنگییەکانى تورکیا ئۆتۆمبیلێکیان کردە ئامانج ’سێ سەرنشینى تیادا بوو’

2020.08.14 - 13:12
ئامێدى، فڕۆکە جەنگییەکانى تورکیا ئۆتۆمبیلێکیان کردە ئامانج ’سێ سەرنشینى تیادا بوو’

ناس کورد-

لە قەزاى ئامێدى فڕۆکەکانى تورکیا ئۆتۆمبێلێکى جۆرى تەکسۆنیان کردە ئامانج کە سێ سەرنشینى تێدا بوو و دوانیان شەهید بوون و یەکێکیان بربندار بوو.

 

 

ئاژانسى سکاى نیوز بڵاوى کردەوە "سەرنشینەکانى ئۆتۆمبیلەکە سێ ئەندامى پارتى کرێکارانى کوردستان بوون و دوانیان شەهید بوون و دانەیەکیان بریندار بوو".

 

ناس کورد زانیوویەتى ئۆتۆمبێلەکە لە گوندى ئەرەدناى سەر بە ناحیەى بامەڕنى سنورى قەزاى ئامێدى بووە و لەلایەن فڕۆکە جەنگییەکانى تورکیاوە کراوەتە ئامانج و بۆردومان کراوە.

 

بەبیانووی بوونی بارەگاکانی پارتی کرێکارانی کوردستان(پەکەکە) لە ناوچە سنورییەکانی نێوان تورکیا و هەرێمی کوردستان، تورکیا لە ناوەڕاستی مانگی حوزەیرانی ڕابردوودا ئۆپڕاسیۆنی( چڕنووکی داڵ وچنگی پڵنگ)ی ڕاگەیاند بەجۆرێک دەستدرێژییەکانی ئەو وڵاتە تائێستا بەردەوامی هەیە و زیانێکی گەورەی لە موڵک و ماڵی هاووڵاتیانی ئەو ناوچانە داوە و دەیان هاووڵاتی سیڤیلیش لە هەرێمی کوردستان بوونەتە قوربانی.   

 

لە تازەترین بۆردومانى فڕۆکە جەنگییەکانى ئەو وڵاتەدا لە سنورى هەرێمى کوردستان، پاشنیوەڕۆی ڕۆژی (سێشەمەمە)ى ڕابردوو  (11ی ئابى 2020)، فڕۆكه‌یه‌كی بێفڕۆکەوانی توركیا ئوتۆمبێلێكی هێزەکانی پاسه‌وانی سنوری عێراقى لە ناوچەی سیدەکان كردە ئامانج و بەهۆیەوە دوو ئه‌فسه‌ری هێزه‌كه‌ شه‌هیدب وون کەیەکێکیان فه‌رمانده‌ی لیوای دووی پاسه‌وانیی سنوربووە ئەوەی تریشیان فه‌رمانده‌ی فه‌وجی سێی لیوای دووی پاسه‌وانیی سنور بوو وچەند سەربازێکی دیکەش برینداربوون.