گه‌ڕان

Shadow Shadow
سیاسه‌تی

فەڕەنسا سەرکۆنەى دەستدرێژییەکانى تورکیا بۆ سەر هەرێمى کوردستان دەکات

2020.08.14 - 09:04
فەڕەنسا سەرکۆنەى دەستدرێژییەکانى تورکیا بۆ سەر هەرێمى کوردستان دەکات

ناس کورد-

وەزارەتى دەرەوەى فەڕەنسا سەرکۆنەى دەستدرێژییەکانى تورکیاى بۆ سەر هەرێمى کوردستان و بۆردومانى پاسەوانى سنورى عێراقى کرد لە ناوچەى سیدەکان.

 

 

ئانییس فۆن دیر مول، وتەبێژى وەزارەتى دەرەوەى فەڕەنسا لە راگەیەندراوێکى ڕۆژنامەوانیدا ئاماژەى بەوە کرد "بۆردومانکردنى تورکیا لەسەر سنورى عێراق پێشهاتێکى مەترسیدارە و داواکارین لێکۆڵینەوە لەو رووداوە بکرێت و راستییەکان ئاشکرا بکرێن".

 

وتیشى "هەروەک چۆن وەزیرى دەرەوەى فەڕەنسا لەدیدارى لەگەڵ هاوتا عێراقییەکەى لە بەغدا رایگەیاند، فەڕەنسا پاراستنى سەروەرى خاکى عێراق بەگرنگ دەزانێت و سەرکۆنەى هەر پێشێلکارییەکى سەروەرى خاکى عێراق دەکات".

 

ڕۆژى (11ى ئابى 2019) لە ناوچەی بێرمێ دینداران ناحیەی سیدەكان، لەلایەن فرۆكەیەكی بێفرۆكەوانی سوپای توركیاوە ئۆتۆمبێلێكی هێزەكانی پاسەوانی سنوری عێراق كرایە ئامانج و ژمارەیەك شەهید و برینداری لێكەوتەوە، كە پلەی باڵایان هەیە لە هێزەكانی پاسەوانی سنوری عێراق و ئەو کارەى تورکیا کاردانەوەى زۆرى نێوخۆیى و دەرەکى لێکەوتەوە.