گه‌ڕان

Shadow Shadow
سیاسه‌تی

’’نابێت نوێژ لە مزگەوتەکانی ناوبازاڕدا بکرێن’’

دەنگی هەر بانگدەری مزگەوتێکی سلێمانی ’’ناخۆش بێت’’ دەکرێت بە ئەلیکترۆنی

2020.08.09 - 12:10
App store icon Play store icon Play store icon
دەنگی هەر بانگدەری مزگەوتێکی سلێمانی ’’ناخۆش بێت’’ دەکرێت بە ئەلیکترۆنی

ناس کورد-

بەڕێوەبەرایەتیی ئەوقافی سلێمانی چەند بڕیارێکی نوێی لەبارەی مزگەوتەکانەوە دەرکرد و ڕایگەیاند، مزگەوتەکانی ناوبازاڕ لە 9:00ی بەیانییەوە دەکرێنەوە و نابێت نوێژیان تێدابکرێت، هاوکات لەسەر دەنگی ناخۆشی بانگدانیش بڕیاریدا.

کەناڵی ناس کورد لە تێلیگرام جۆین بکە   

 

بەگوێرەی نوسراوێک کە ناوی فەرەیدون غەریب، بەڕێوەبەری ئەوقافی سلێمانی لەسەرە چەند بڕیارێکی نوێ تایبەت بە مزگەوتەکان دەرکراوە و ناوبراو بڕیارەکانی بۆ ناس کورد پشتڕاستکردەوە.

 

بەگوێرەی بڕیارەکان، مزگەوتەکانی ناو بازاڕ لە کاتژمێر 9:00ی بەیانی تاوەکو دوای نوێژی عەسر دەکرێنەوە و تەنها بۆ دەستنوێژگرتن بەکاردێن و نابێت نوێژیان تێدا بکرێت، ئەوەش بەهۆی قەرەباڵغی و چوونی خەڵکێکی زۆر.

 

ئاماژە بەوەشكراوە: "بەبێ ئاگاداری ئەوقاف و بەرپرسانی، نابێت هیچ کەناڵێکی ڕاگەیاندن بچێتە مزگەوتەکانەوە و وتار و نوێژی هەینی بگوازێتەوە".

 

ئەوەشخراوەتەڕوو: "ئەو هۆڵانەی کە بچوکن و هەواگۆڕکێی تێدا نییە، نوێژی هەینیان تێدا ناکرێت."

 

هەر بەگوێرەی یەکێک لە بڕیارەکان، ئەو مزگەوتانەی کە کێشەی بانگدان و دەنگی ناخۆش و کێبڕکێی بانگدانیان تێدایە، بانگدان دەکرێت بە ئامێری ئەلکترۆنی.