گه‌ڕان

Shadow Shadow
سیاسه‌تی

ئۆپراسیۆنە هاوبەشەکانى عێراق بە تەکتیکى نوێ هێرشدەکاتە سەر داعش

2020.08.08 - 09:41
ئۆپراسیۆنە هاوبەشەکانى عێراق بە تەکتیکى نوێ هێرشدەکاتە سەر داعش

ناس کورد-

 

ئۆپراسیۆنە هاوبەشەکانى عێراق پشتبەستنى بە تەکتیکێکى نوێ ڕاگەیاند، بۆ راوەدونانى چەکدارانى داعش و شانە نوستووەکانى ئەو رێکخراوە.

 

بەپێی بەیاننامەیەکى شانەى میدیاى ئەمنى عێراق، فەرماندەیی پڕۆسە هاوبەشەکان تەکتیکێکى نوێی پەیڕەوکردووە بۆ راوەدونانى چەکدارانى داعش، ئەوەش لە هێرشێکى بەرنامە بۆ داڕێژراودا کە ئەمڕۆ ئەنجامیداوە لەسەر بنەماى ئەو زانیارییانەى لەلایەن دەزگاىى هەواڵگرییەوە پێی دراوە.

 

ئاماژەى بەوەشکردووە، هێرشەکە بۆ سەر ئەشکەوت و حەشارگەکانى ئەو رێکخراوە لەژێر زەویدا ئەنجامدراوە لەناوچەکانى وادى سەرسار، لەرێگەى گەڕانى بەردەوامى فڕۆکەکانى هێزى ئاسمانى و هاوپەیمانانەوە زانیاریەکان لەو بارەیەوە پشتڕاستکراونەتەوە.

 

بەپێی بەیاننامەکە، چالاکییەکە بەرەبەیانى ئەمڕۆ ئەنجامدراوە بەبەشدارى یەکەکانى سوپا، فەوجى سواتى پۆلیسى سەڵاحەدین، حەشدى شەعبى، بە پشتیوانى فڕۆکەکانى سوپا و هاوپەیمانان.

 

باس لەوەشکراوە، سەرەتا فڕۆکەکانى هاوپەیمانان چەند ئامانجێکیان بۆردومانکردووە و پاشان هێرشەکە بۆ سەر حەشارگە و ئەشکەوتەکان دەستیپێکردووە، دواتریش ئەنجامەکەى بڵاودەکەنەوە.