گه‌ڕان

Shadow Shadow
سیاسه‌تی

وردەکاریی هێرشە موشەکییەکەى باکورى بەغدا راگەیەنرا

2020.08.04 - 15:03
وردەکاریی هێرشە موشەکییەکەى باکورى بەغدا راگەیەنرا

ناس كورد-

شانەى میدیاى ئەمنى وردەکاریی کەوتنە خوارەوەى دوو موشەکى جۆرى کاتیۆشاى لە باکورى بەغدا ڕاگەیاند.

 

شانەى میدیاى ئەمنى لەبەیاننامەیەکدا ئاماژەى بەوەکردووە، دوێنێ دووشەممە دوو موشەکى جۆرى کاتیۆشا ئاڕاستەى ناوچەى مشاهەدەى باکورى بەغدا کراون.

 

رونیشیکردووەتەوە، موشەکى یەکەم لەپشت مزگەوتى ئیمامى عەلى و دووەمیش لە نزیک دەریاچەى ناوچەى ئەلبوعبدو کەوتووەتە خوارەوە.

 

بەپێی بەیاننامەکە، دوو موشەکەکە نەتەقیونەتەوە و لەلایەن تیمى ئەندازەوە هەڵگیراونەتەوە بەبێ ئەوەى هیچیان بتەقێتەوە.

 

دوێنێ دوشەممە سەرچاوەیەکى ئەمنى بە ناس کوردى ڕاگەیاندبوو، دوو موشەکى کاتیۆشا کاتژمێر نۆ و چارەکى سەرلەبەیانى لەناوچەى مشاهەدەى بەغدا کەوتونەتە خوارەوە، بەبێ ئەوەى بتەقنەوە.

 

باسى لەوەشکردبوو، موشەکى یەکەم لەپشت مزگەوتى ئیمامى عەلى و لەنزیک سەربازگەى تاجى کەوتووەتە خوارەوە، دووەمیشیان لەناو دەریاچەیەکى تایبەت بە خێوکردنى ماسى لەگوندى ئەلبوعەبید کەوتووەتە خوارەوە، هەردوو موشەکەکەش لەلایەن تیمى ئەندازەى سوپاى عێراقەوە هەڵگیراونەتەوە بەبێ ئەوەى هیچ زیانێکیان لێبکەوێتەوە.