گه‌ڕان

Shadow Shadow
سیاسه‌تی

ڕوونکردنەوەى قایمقامیەتى هەولێر لەبارەى فڕۆشتنى ئۆکسجین لەسەر شەقامەکان

2020.08.04 - 14:06
ڕوونکردنەوەى قایمقامیەتى هەولێر لەبارەى فڕۆشتنى ئۆکسجین لەسەر شەقامەکان

ناس کورد-

قایمقامیەتى قەزاى هەولێر لەبارەى ئەو وێنانانەى کە لە تۆڕە کۆمەڵایەتییەکان سەبارەت بە فڕۆشتنى ئۆکسجین لەسەر شەقامەکان بڵاوکراوەتەوە، راگەیەندراوێکى بڵاوکردەوە و تیایدا ئاماژە بەوە دەکات ئەو کەسەى بەو کارە هەستاوە دەستگیرکراوە.

 

لە راگەیەندراوەکەى قایمقامیەتى هەولێر ئاماژە بەوە کراوە " دوای ئەوەی تێبینی کرا لەشەقامی پزیشکان  ئۆتۆمبێلێکی بارھەڵگر بوتلی ئۆکسجینی داناوە  بۆ فڕۆشتن لەسەربڕیاری نەبەز عەبدولحەمید، قایمقامی قەزای ناوەندیی ھەولێر بەھاوکاری بەشی پۆلیسی شارەوانی ، دەستبەجێ دەست بەسەر ئۆتۆمبێلەکەیدا گیرا و خاوەنەکەی دەستگیر کرا".

 

بەگوێرەى راگەیەندراوەکە، رێکاری یاسایی بەرامبەر ئەو کەسە دەگیرێتەبەر کە هەستاوە بە فڕۆشتنى بتڵى ئۆکسجین.

 

لە راگەیەندراوەکەدا قایمقامیەتى هەولێر هاووڵاتیانى ئەو شارە ئاگادار دەکاتەوە کە مامەڵەکردنی لەو جۆرە ڕێگاپێدراو نیە.