گه‌ڕان

Shadow Shadow
سیاسه‌تی

ئێران؛ گوندەکانی سیدەکان تۆپباران دەکات ’گوندنشینان ناوچەکەیان چۆڵکرد’

2020.08.03 - 12:53
ئێران؛ گوندەکانی سیدەکان تۆپباران دەکات ’گوندنشینان ناوچەکەیان چۆڵکرد’

ناس کورد - ئاکۆ حەمەد رابی

ئەمڕۆ (دووشەممە، 3ی ئابى 2020)  تۆپخانەکانی کۆماری ئیسلامی ئێران دەستیانکردەوە بە تۆپبارانکردنی گوندە سنوریەکانی ناحیەی سیدەکانی قەزای سۆران و تائێستاش تۆپببارانەکە بەردەوامە.

 

مەجید حەمەدەمین، موختاری گوندی کەتینە بە ناس‌ کوردی ڕاگەیاند :" لە پێشنیوەڕۆی ئەمڕۆوە تۆپخانەکانی کۆماری ئیسلامی ئێران دەستیانکردوە بە تۆپبارانکردنی کەتینە، بن پەرێز، دەرهۆڵ و بەربزین و تا ئێستاش تۆپبارانەکە بەردەوامە".

 

ئاماژەی بەوەشدا ، تۆپبارانەکە بە سەختی دەکرێت و بەو هۆیەوە ڕەوشێکی ئاڵۆز و  ناخۆش لە گوندە سنوریەکان دروست بووە.

 

لەبارەی زیانەکانی تۆپبارانەکەش، موختاری گوندی کەتینە رونیکردەوە، تا ئێستا زانیاریمان نیە لەسەر زیانی گیانی تۆپبارانەکە، بەڵام ئەوەی ئێستا بەدیدەکرێت ئاگرێکی گەورە کەوتۆتەوە و ڕەز و باغ و پوش و پاوان و دارستانی ناوچەکە دەسوتێت.

 

مەجید حەمەدەمین وتیشی، گوندنشینان و مەڕداران تووشی ترس و دڵەڕاوکێی زۆربون و لە پێناو پاراستنی گیانیان، ناوچەکەیان جێهێشتوە.