گه‌ڕان

Shadow Shadow
سیاسه‌تی

دژەتیرۆری عێراق: شێوازێکی نوێی داعشمان دۆزیوەتەوە

2020.08.02 - 20:24
دژەتیرۆری عێراق: شێوازێکی نوێی داعشمان دۆزیوەتەوە

ناس کورد-

عەبدولوەهاب ساعیدی، فەرماندەی دەزگای دژەی تیرۆری عێراق دەستگیرکردنی چەند شانەیەکی ڕێکخراوی داعشی لە دوو ڕۆژی ڕابردوودا ڕاگەیاند و ئاشکرایکرد، لە چەند ڕۆژی داهاتوودا ئۆپراسیۆنێکی گەورە ئەنجام دەدرێت. 

 

ئەمڕۆ یەکشەممە، 2ی ئابی 2020، ساعیدی بە ئاژانسی هەواڵیی عێراقییەی وت، "دەزگای دژە تیرۆر کاری هەواڵگری و سەربازی لە سەرانسەری عێراق ئەنجام دەدات" و دەڵێت، "ئۆپراسیۆنی دەزگاکە لەدژی پاشماوەکانی داعش بەردەوامە."

 

ئاماژەى بەوەشکردووە، "دەزگای دژەتیرۆر شێوازێکی نوێی دەستنیشانکردووە کە چەکدارانی داعش بەکاریدەهێنن"، و دەڵێت، "لە چەند ڕۆژی داهاتوو ئۆپراسیۆنێکی گەورە ئەنجام دەدرێت."

 

ئاماژەى بەوەشکرد، "هەماهەنگی هەیە لەنێوان دەزگای هەواڵگریی وەزارەتی بەرگریی و پۆلیسی فیدڕاڵی لەبارەى ئۆپراسیۆنەکە."