گه‌ڕان

Shadow Shadow
سیاسه‌تی

ئێران دەستگیرکردنى سەرۆکى گروپێکى ڕاگەیاند بەتۆمەتى پلاندانان بۆ تەقاندنەوەى مەزارى خومەینى

2020.08.01 - 16:19
ئێران دەستگیرکردنى سەرۆکى گروپێکى ڕاگەیاند بەتۆمەتى پلاندانان بۆ تەقاندنەوەى مەزارى خومەینى

ناس کورد-

 

کۆمارى ئیسلامى ئێران دەستگیرکردنى سەرۆکى گروپى "تندر" ى ڕاگەیاند، بە تۆمەتى پلاندانان بۆ چەند کردەوەیەکى توندوتیژى لەناویاندا تەقاندنەوەى مەزارى خومەینى.

 

 

وەزارەتى ئاسایشى ئێران ئەمڕۆ شەممە لەبەیاننامەیەکدا ڕایگەیاند، ئەو گروپە کە بارەگاى سەرەکى لە ئەمریکایە، پلانیداناوە بۆ تەقینەوە لە شیراز و پێشانگاى نێودەوڵەتى کتێب و مەزارى خومەینى.

 

ئاماژەى بەوەشکردووە، سەرۆکى گروپەکە بەناوى "جەمشيد شارمهد" لەلایەن هێزەکانیانەوە دەستگیرکراوە و دواتر وردەکاریی لەو بارەیەوە بڵاودەکەنەوە.

 

بەپێی بەیاننامەکە، ئەو گروپە 12 ساڵ لەمەوبەر، تەقینەوەیەى لە حسێنییەى شیراز ئەنجامداوە کە بەهۆیەوە 14 کەس کوژران و 215 کەسى دیکە برینداربوون.

 

گروپى "تندر" گروپێکى ناسراو نییە لەناو ئەو گروپانەى دژایەتى حکومەتى ئێران دەکەن و زیاتر لەسەر تۆڕى ئینتەرنێت چالاکن، هەروەها گروپەکە خاوەنى گوتارێکى سیاسی دیار نییە.