گه‌ڕان

Shadow Shadow
سیاسه‌تی

5 بەرامبەر بە 1؛ ڕێسایەكی سحری بۆ سەركەوتن لەپەیوەندییە کۆمەڵایەتییەکاندا

2020.07.31 - 18:41
App store icon Play store icon Play store icon
5 بەرامبەر بە 1؛ ڕێسایەكی سحری بۆ سەركەوتن لەپەیوەندییە کۆمەڵایەتییەکاندا

ناس کورد- 

بەپێی وتەی توێژەران، پەیوەندییە كۆمەڵایەتییە سەركەوتووەكان كلیلی خۆشبەختیەكانی ژیانە، بەڵام چینێكی زۆری خەڵكی گرنگترین بنەما و ڕێساكانی سەركەتووترین پەیوەندی كۆمەڵایەتیان پشتگوێ خستووە، بەتایبەت لەسەر ئاستی كەسایەتی یاخود پیشەیی.

کەناڵی ناس کورد لە تێلیگرام جۆین بکە   

 

گۆڤاری "ئەی ئێن سی" بڵاویكردووەتەوە، بەپێی توێژینەوە زانستییەكان پەیوەندییە گەرموگوڕەكان سودی بۆ تەندروستی جەستەیی و دەروونیش هەیە و هەروەها بەشێوەیەكی ئەرێنیش ڕەزامەندی لەسەر كاروبارەكانی بەدوادا دێت، هەروەها پاراستنی پەیوەندییەكان گرنگن و لەچەند ڕێسایەكدا پوختدەبنەوە.

 

گۆڤارەكە ڕوونكردووەتەوە، جیاوازی لەنێوان هاوسەرە بەختەوەر و نابەختەوەرەكان هاوسەنگی نێوان كارلێكە ئەرێنی و نەرێنییەكانە لەكاتی ناكۆكی و نەیاریكردنی یەكتریدا و ڕێسایەك هەیە كە پێیدەوترێت ڕێسای 5 بەرامبەر 1 وادەكەن خۆشتەویستی نێوان هاوسەران بەردەوام بێت.

 

باسی لەوەشكردووە، ڕێساكە واتا هاوسەرگیری ئارام و بەختەوەر 5 كارلێكی ئەرێنی یاخود زیاتری هەیە لەبەرامبەر یەك كارلێكی نەرێنی لەكاتی كێشە و ناكۆكیەكاندا.

 

گۆڤارەكە چەند نمونەیەكی نەرێنی هێناوەتەوە، وەكو چاو هەڵگۆفین یاخود دەنگ بەرزكردنەوە و كارلێكە ئەرێنییەكانیش ئەوانەن كە بەخێرایی هەوڵی سوككردنەوەی گرژییەكان دەدەن یاخود دەستگرتن و گوێگرتنی چڕوپڕ.

 

ئەوەش خراوەتەڕوو، ئەوانە ئەو ڕێسا سیحریانەن كاتێك كەسێك هەستی بەبێزاری و داڕوخان و هەر شەكەت و كارلێكێكی نەرێنی كرد دەتوانێت پەنا بباتە بەر كاری ئەرێنی و بەوەش پەیوەندییەكانی لەگرژی ڕزگار دەكات و وایان لێ دەكات كە بەردەوام بن.

 

توێژەرانیش لەسەر ئەوە سوورن كە هەوڵەكان بۆ كارلێكە ئەرێنیەكان بەراورد بە نەرێنییەكان چڕ بكرێنەوە كە ئەوەش یارمەتی پەیوەندییەكی ئارام و جێگر دەدات تا تێپەڕین و دەرچوون لە كاتی ناكۆكی.