گه‌ڕان

Shadow Shadow
سیاسه‌تی

هەڤاڵ ئەبوبەکر: لەمشەوەوە کێشەی ئاو لەسلێمانی چارەسەر دەبێت

2020.07.30 - 18:57
هەڤاڵ ئەبوبەکر: لەمشەوەوە کێشەی ئاو لەسلێمانی چارەسەر دەبێت

ناس کورد-

لەدوای سەرهەڵدانی قەیرانی ئاو و شکانی بۆری ئاوی نێوان دوکان سلێمانی، پارێزگاری سلێمانی ڕایگەیاند، سەردانی تیمەکانی چاککردنەوەیان کردووە و دلنیایانکردوونەتەوە کە لەمشەوەوە کێشەی ئاو چارەسەر دەبێت، دەشڵێت، بەڵام ئەگەر حکومەت بودجەی بۆ دابین نەکات، کێشەکە چەندبارە دەبێتەوە.

 

هەڤاڵ ئەبوبەکر، پارێزگاری سلێمانی لە هەژماری خۆی لە تۆڕی کۆمەڵایەتی فەیسبوک ڕایگەیاند: "ئێستا، بەئامادەبونی بەڕێزان بەڕێوەبەری ئاوی سلێمانی و بەڕێوەبەرو ئەندازیارە پەیوەندیدارەکانی ئاوی سلێمانی، بەڕێزان ئەندازیارو تەکنیککارو کارمەندانی تیمەکانی چاکردنەوەی هێڵەکانی گواستنەوەی ئاوی دوکان- سلێمانیمان لە شوێنی کارەکەیان لە نێوان کۆبانێ سیتی و قولەرەسیدا بەسەرکردەوە، سوپاس و پشتیوانیی و جەژنە پیرۆزەی خۆمانمان پێشکەش بەم پۆلە جوامێرە دڵسۆزە خۆنەویستە و گش بەڕێوەبەرایەتیی ئاوی سلێمانی کرد."

 

ئاماژەی  بەوەشكردووە: " دوای هەوڵەکانیان دڵنیایان کردینەوە کە لە ئەمشەوەوە کێشەی ئاوی سلێمانی چارەسەردەبێت، بەڵام ئەگەر حکومەتی هەرێمی کوردستان لە خێراترین کاتدا بودجەی چاکردنەوەی ئاوی سلێمانی دابیننکات؛ کێشەکان چەندبارەدەبنەوەو کارەساتی گەورەیان لێدەکەوێتەوە."