گه‌ڕان

Shadow Shadow
سیاسه‌تی

موقتەدا سەدڕ: عێراق نوقمی گەندەڵی بووە

2019.04.20 - 23:19
App store icon Play store icon Play store icon
موقتەدا سەدڕ: عێراق نوقمی گەندەڵی بووە

کەناڵی ناس کورد لە تێلیگرام جۆین بکە   

ناس كورد-
موقتەدا سەدر سەرۆكی ڕەوتی سەدڕ تویتێكی تری بڵاوكردەوە و تیایدا ئاماژە بەوە دەكات كە عێراق نوقمی گەندەڵی بووە و ئاماژە بە دەركەوتنی ئیمامی مەهدی دەكات.

.

ئەمڕۆ (شەممە) لە میانەی بڵاوكردنەوەی تویتێكدا، موقتەدا سەدڕ ئاماژەی بە بەرپرسە گەندەڵەكانی عێراق كرد و لەبارەی دەركەوتنی ئیمامی مەهدی نوسیوویەتی "زۆر كات بیستوومانە دەڵێن: خۆزگە لەگەڵتانا بوینایە و سەرفرازبووینایە، ئەو خۆزگەیە دەچێتە چوارچێوەی مەحاڵەوە، چونكە ئەگەر مەبەستان ئیمامی مەهدی بێت، ئەوا بەدڵنیاییەوە ئێوە ناگرێتەوە و لەگەڵیدا نابن، و پێویستی بە ئێوە نییە".

.

لە بەشێكی تری تویتەكەدا سەدڕ پرسیار لەو كەسانە دەكات كە دووڕوون و دەڵێت "ئایا ئێوە خۆتان ئامادەكردووە ببنە سەربازی ئیمامی مەهدی و بەرگری لە حەق بكەن؟ ئێوە ئامادەن بۆ دەركەوتنی؟ یاخود هەر بە زمان وا دەڵین؟".

.

جەختیش لەسەر ئەوە دەكاتەوە كە ئیمامی مەهدی دەرناكەوێت بەهۆی ئەوەی عێراق نوقمی ئارەزووەكانی دونیا بۆتەوە و دوای بیروبۆچوونی هەڵە و ناتەندروست كەوتووتەوە.

.

روودەكاتە هاووڵاتیانی عێراق و پێیان دەڵێت "كەمینەیەكیان نەبێت بەباشی ماونەتەوە وەك نامۆ وان لە كۆمەڵگادا".

.

هاوكات لەگەڵ جەژنی لەدایكبوونی ئیمامی مەهدیدا موقتەدا سەدڕ رێنوێنی گەلی عێراق دەكات بۆ ئەوەی لەو مانگە بیرۆزەدا بگەڕێنەوە سەر رێگای راست و گوێڕایەڵی ئامۆژگاری مەرجەعەكانیان بن.