گه‌ڕان

Shadow Shadow
سیاسه‌تی

ڕونکردنەوەى روانگەى سورى لەسەر ئەو بابەتە

میدیاکانى تورکیا: میسر هێزى سەربازى ڕەوانەى باکورى سوریا کرد 

2020.07.30 - 16:29
میدیاکانى تورکیا: میسر هێزى سەربازى ڕەوانەى باکورى سوریا کرد 

ناس کورد-

ئاژانسێكی توركی لەسەر زاری سەرچاوەیەكی سەربازییەوە بڵاوی كردووەتەوە، میسر سەدان سەربازی بۆ باكوری سوریا ڕەوانە كردووە و ئەو هەواڵەش لەلایەن ڕوانگەی سووری بۆ مافەكانی مرۆڤ ڕەتكریەوە.

 

ئاژانسی ئەنادۆڵ لەسەر زاری سەرچاوەیەكی ئاگادارەوە کە نەیویستووە ناوەكەی ئاشكرا بكرێت بڵاوی كردەوە، نزیكەی 150 سەربازی میسری بەهەماهەنگی لەگەڵ سوپای پاسدارانی ئێرانیدا، چەند ڕۆژێك پێش ئێستا لەڕێگەی فڕۆكەخانەی حەمای سەربازییەوە چونەتە ناو سوریاوە و دواتریش بەناوچەكانی ڕیفی حەلەب و ئیدلیبدا بڵاوكراونەتەوە.

 

ڕوانگەی سوری بۆ مافەكانی مرۆڤ هەواڵى ئاژانسە تورکییەکەى  ڕەتكردوەتەوە و لەسەر زاری سەرچاوەیەكی ئاگادارەوە جەختی لەوە كردووەتەوە، ئەو هەواڵە دوورە لەڕاستیەوە و لەلایەن میدیای ئەنادۆڵی توركیەوە داتاشراوە.

 

پێشتریش ئاژانسی ئەنادۆڵ ئەوەی بڵاوكردەوە، چەند ئەفسەر و فڕۆكەوانێك كە هەڵگری شوناسنامەی میسرین چونەتە ناو خاكی سوریاوە و لەئۆپراسیۆنە سەربازییەكاندا بەشداریان كردووە، هەر ئەو کاتیش ڕوانگەی سوری ئەو هەواڵەشی ڕەتكردەوە.

 

تا ئێستا  لەلایەن حكومەت و بەرپرسانی میسرەوە بەفەرمی ڕونکردنەوە لەسەر ئەو هەواڵە بڵاونەكراوەتەوە.