گه‌ڕان

Shadow Shadow
سیاسه‌تی

 تورکیا ئۆپڕاسیۆنێکی دیکەی دژ بە گەریلاکانى (پەکەکە) دەستپێکرد.. ناویناوە ’هەورە بروسکەی4’

2020.07.29 - 20:55
 تورکیا ئۆپڕاسیۆنێکی دیکەی دژ بە گەریلاکانى (پەکەکە) دەستپێکرد.. ناویناوە ’هەورە بروسکەی4’

ناس کورد-

وەزارەتی ناوخۆی تورکیا ڕایگەیاند، ئۆپڕاسیۆنێکی دیکەیان دژ بە گەریلاکانی پارتی کرێکارانی کوردستان بەناوی (هەورە بروسکەی4) لە ناوچەکانی باشوری خۆرهەڵاتی ئەو وڵاتە و بە بەشداری زیاتر لە هەزار کەس لە ئەندامانی هێزەکانی ئاسایش و ناوخۆ، دەستپێکردووە.

 

ئەمڕۆ (چوارشەممە، 29ی تەموزی2020)، میدیاکانی تورکیا ڕاگەیاندراوێکی وەزارەتی ناوخۆی وڵاتەکەیان بڵاوکردەوە کەتێیدا هاتووە "ئۆپڕاسیۆنی (هەورە بروسکەی 4) لە ناوچەکانی باشوری خۆرهەڵاتی تورکیا دەستی پێکردووە بە مەبەستی دەڕپەڕاندنی ئەندامانی پارتی کرێکارانی کوردستان( پەکەکە) لە بەشە شاخاوییەکان و سەختەکانی ئەو ناوچەیە".

 

ڕاگەیاندراوەکە ئاماژەی بەوەکردوە "ئۆپراسیۆنەکە ئەمڕۆ (چوارشەممە) بە بەشداری  (1006) لە ئەندامانی ئاسایش، پۆلیس، جەندرمە و هێزی تایبەتی سەر بە پۆلیسی تورکیا دەستی پێکردووە".

 

 ئەوەشخراوەتە ڕوو "ئۆپراسیۆنەکە درێژەپێدەری ئەو ئۆپراسیۆنانەی پێشووترە کە بەمەبەستی سەپاندنی ئاسایش لەو ناوچەیە ئەنجامدراون". 

 

پێشتریش  لە 15ی حوزەیرانی ڕابردودا سوپای تورکیا بەمەبەستی بەئامانجگرتنى گەریلاکانی پارتی کرێکارانی کوردستان( پەکەکە) لە ناوچەکانی قەندیل و دەوروبەری لەهەرێمی کوردستان دوو ئۆپڕاسیونی سەربازی بەناوەکانی (چڕنووکی داڵ و چنگی پڵنگ)ى ڕاگەیاند.