گه‌ڕان

Shadow Shadow
سیاسه‌تی

توێژینەوەیەكی نوێ: باڵابەرزەکان زیاتر ئەگەرى توشبوونیان هەیە بە کۆرۆنا

2020.07.29 - 16:00
توێژینەوەیەكی نوێ: باڵابەرزەکان زیاتر ئەگەرى توشبوونیان هەیە بە کۆرۆنا

ناس کورد-

  

نوێترین توێژینەوە لەسەر ڤایرۆسی كۆرۆنا ئاشکرایدەکات ئەوانەی باڵایان زیاتر لە شەش پێ بەرزترە، زۆرتر دووچاری ڤایرۆسەكە دەبن.

 

بەپێی دەرئەنجامی توێژینەوەیەك كە ڕۆژنامەی دەیلی مەیلی بەریتانى بڵاویكردووەتەوە و دوو  هەزار كەس وەكو سامپڵ لەبەریتانیا و ئەمریكا وەرگیراون دەركەوتووە، ئەو پیاوانەی كە باڵایان لە شەش پێی زۆرترە (یەک مەتر و 83 سانتیمەتر) دووجار ئەگەرى توشبوونیان زیاترە بە کۆرۆنا بەراورد بەوانەى باڵایان لەوە کەمترە.

 

توێژەران دەڵێن، دەرئەنجامەكان بەڵگەی لەسەر چۆنیەتی بڵاوبونەوەی كۆرۆنا داوە بەدەستەوە كە لەڕێگەی هەواوە دەگوازرێتەوە و دەشبێت ئەوە هۆكاری زیاتر توشبوونی ئەوانە بێت كە باڵایان بەرزە.

 

ئەو تێوەرە لەلایەن ئەوانەوە پاڵپشتی دەكرێت كە پێیانوایە ڤایرۆسەكە لەڕێگەی هەواوە بڵاودەبێتەوە.

 

لەبارەی ژنانیشەوە، توێژینەوەكە گەیشتووەتە ئەو دەرئەنجامەی بەهەمان شێوە بۆ ژنانیش گەر بێت باڵایان زیاتر بوو لە شەش پێ ئەگەرى توشبونیان زیاترە، بەڵام ئەو ژمارەیە لەسامپڵەكەدا زۆر كەمبووە و ئاكامەكانیش بەتەواوی نەسەلمێنراون.

 

توێژینەوەكە ئاماژەی بۆ ئەوەشكردووە، ئەنجامەكان بەو واتایە نایەت كە ئەوانەی باڵایان بەرزە زیاتر بەهۆی بۆماوەییەوە توشى ڤایرۆسەکە ببن.

 

بەبڕوای توێژەران، ڤایرۆسەكە لەڕێگەی گەردیلە وردەكانی هەواوە بڵاودەبێتەوە، دوای هەناسەدانیش بەتایبەتی لەڕێگەی كۆكە و پژمەوە گەر دڵۆپەكان بەخێرای بكەونە سەر زەوی ئەوا كەسانی باڵا بەرز بەو شێوەیە تووشی مەترسی ڤایرۆسەكە نابنەوە.

 

گەرچی ڕێكخراوی تەندروستی پێشتر ئەوەی ڕەتدەكردەوە كە كۆرۆنا لەڕێگەی هەواوە بڵاو ببێتەوە بەڵام بەمدواییانەدا دانی بەو ڕاستیەدا نا.

 

هەر بەپێی توێژینەوەكە، كە هەزار سامپڵ لەبەریتانیا و هەزار سامپڵی دیكەشی لەئەمریكا وەرگیراوە، ئەوانەی باڵایان زیاتر لە 6 پێی بووە ژمارەیان 339 كەس بووە.

 

بەپێی  پشكینینی ئەو ئەنجامە باڵا بەرزەكان زیاتر تووشی ڤایرۆسەكە دەبن.

 

لای خۆشیەوە لەسەر ئەنجامی توێژینەوەكە پۆڵ هانتەر مامۆستای كۆلیژی پزیشكی لەزانكۆی ئیست ئەنجەلیا ڕایگەیاندووە، بەدیدی ئەو دەبێت شیكردنەوە بۆ ئەو پرسە بەهۆشیارییەوە بكرێت.

 

ئاماژەی بۆ ئەوەشكردووە، تاقیكردنەوەی فرە گریمانەیی گەورەترین هەڵەیە كە هەندێك لەكاتی ڕووماڵكردنی پەتاكە پێیهەڵدەستن و تاوەكو تاقیكردنەوە گریمانەییەكانیش زۆربن ئەگەرەكانیش زۆرتر دەبن.