گه‌ڕان

Shadow Shadow
سیاسه‌تی

كۆرۆنا لەگەرما ناترسێت

تەندروستى عێراق: بەرزبونەوەی پلەكانی گەرما هیچ گۆڕانكارییەكی لەژمارەی توشبوواندا دروستنەكردووە

2020.07.29 - 14:13
تەندروستى عێراق: بەرزبونەوەی پلەكانی گەرما هیچ گۆڕانكارییەكی لەژمارەی توشبوواندا دروستنەكردووە

ناس کورد-

 

وەزارەتى تەندروستى عێراق ڕایگەیاند، بەرزبونەوەی پلەكانی گەرما هیچ گۆڕانكارییەكی لەژمارەی توشبوواندا دروستنەكردووە، تەندروستى جیهانیش جەختدەکاتەوە، كۆرۆنا لەگەرما ناترسێت.

 

عێراق كە پلەكانی گەرمای تێدا گەیشتووەتە زیاتر لەنیوەى پلەی كوڵان و بەوڵاتی گەرمای هاوین بەناوبانگە بە نمونەیەک دادەنرێت لەسەر ئەوەی كە ڤایرۆسەكە گەرما كاری تێدا ناكات و ژمارەی توشبووان تێیدا ڕوو لەهەڵشكانە.

 

لەو بارەیەوە، حازم جەمیلی جێگری وەزیری تەندروستی عێراق بەمیدیاكانی وڵاتەكەی ڕاگەیاندووە، هێشتا عێراق لەشەپۆلی یەكەمی پەتاكە دایە و لێی دەرباز نەبووە.

 

ئەوەشی ڕوونكردووەتەوە، ژمارەی توشبوون هێشتا بەرزە و پێشبینی ئەوە دەكرێت شەپۆلێكی دیكەی ڤایرۆسەكە سەرهەڵبداتەوە.

 

جێگرى وەزیری تەندروستی عێراق باسی لەوەشكردووە، بەرزبونەوەی پلەكانی گەرما هیچ گۆڕانكارییەكی لەژمارەی توشبوواندا دروستنەكردووە و وەك لەسەرەتاوەی بڵاوبونەوەی ڤایرۆسەكەوە پێشبینی دەكرا.



لەگەرما ناترسێت

 

بەرپرسێكی باڵای ڕێكخراوی تەندروستی جیهانی ڕایدەگەیەنێت، ئەوەی خەڵكی برودویەتیە مێكشیەوە كە بەرزبونەوەی پلەكانی گەرما ڕۆڵی لەنەمانی پەتاكە هەیە هەڵەیە، بەڵكو پەتاكە حەزی لەبازدانە وبەرزبونەوەی پلەكانی گەرماش ڕایناگرێت.

 

مارگریت هاریس وتەبێژی ڕێكخراوی تەندروستی جیهانی ڕایگەیاندووە، تێپەڕینی وەرزەكان هیچ كاریگەرییەكی بۆ سەر ڤایرۆسی كۆرۆنا نابێت و هەندێك وڵات زیاتر زیانمەند بوون لەكاتی گۆڕانكاری لەوەرزەكانیشدا.

 

ئاماژەی بۆ ئەوەشكردووە، لەكاتی هاتنی وەرزی هاویندا قوربانیەكانی ڤایرۆسەكە لەولایەتە یەكگرتووەكانی ئەمریكا زیاتر بوون.



حەزی لەبازدانە

بەرپرسە باڵاكەی ڕێكخراوى تەندروستى جیهانى باسی لەوەشكردووە، خەڵكی ئەوەی بردووەتە مێشكی خۆیەوە كە ئەو پەتایە وەرزیە و بەردەوامیش لەو باوەڕەدایە هاوینان كێشە نیە، هاوین كێشەیە، چونكە ئەو ڤایرۆسە حەزی لەهەموو كەشو هەوایەكە، بەڵام ئەوەی زیاتر حەزی لێیەتی بەشێوەیەكی تایبەتی بازدانە لەكەسێكەوە بۆ كەسێكی دیكە كاتێك خەڵكی لێكنزیكدەبنەوە، جا ئەو دەرفەتەی و پێنەدرێت باشترە.

 

هاریس دەشڵێت، خەڵكی بەهەڵە لەڤایرۆسەكە دەڕوانن و وەكو پەتای ئەنفلۆنزا سەیری دەكەن، ئەوەی پێویستە بیزانن ئەوەیە ڤایرۆسەكە نوێیە، گەرچی زۆربەی ڤایرۆسەكانی دژی هەناسەدان لەڕابرودودا حەزیان لەوەبووە لەوەرزە جیاوازەكاندا دەربكەون، بەڵام ئەم ڤایرۆسە بەشێوەیەكی جیاوازتر لەوانە كاردەكات.

 

دووركەوتنەوە و دەستشوشتن و ماسكپۆشین

هاریس پێوایە لەبری بیركردنەوە لە چەند شتێكی دیكە كە بنەمایان نەبێت، پێویستە خەڵكی بیر لەوە بكاتەوە چ شتێك بەسوودە بۆ ڕێگریكردن لەڤایرۆسەكە ئەویش دووركەوتنەوە لەیەكتر و دەستشۆرین و ماسكپۆشین و مانەوەیە لەماڵەوە.

 

پێشتر شارەزایان پێشبینی ئەوەیان دەكرد چەند شەپۆلێكی جیاوازی پەتاكە لەئارادایە و ئەگەری ئەوەش هەیە لەوەرزەی هاویندا بەهۆی بەرزبونەوەی پلەكانی گەرماوە پاشەكشە بكات.

 

ئەوەش لەكاتێكدایە ڕێكخراوی تەندرووستی جیهانی سوورە لەسەر ئەوەی خەڵكی ئەو بڕوایە لەمێشكی دەربكات چونكە مامەڵەی ڤایرۆسەكە بەدەرە لەتواناكانی مرۆڤ بەڵام هەماهەنگی دەتوانێت تەشەسەندنەكەی خاو بكاتەوە.