گه‌ڕان

Shadow Shadow
سیاسه‌تی

قوباد تاڵەبانی جارێکی تر ئامادەیی هەرێمی بۆ ڕێککەوتن لەگەڵ بەغدا ڕاگەیاند

2020.07.28 - 22:35
قوباد تاڵەبانی جارێکی تر ئامادەیی هەرێمی بۆ ڕێککەوتن لەگەڵ بەغدا ڕاگەیاند

ناس کورد-

جێگری سه‌رۆكی حکومەتی هەرێم لەگەڵ نوێنەری ئەمریکا و ئەڵمانیا و ژاپۆن لە هەرێم کۆبووەوە و  ئاماده‌یی حكومه‌‌تی هه‌رێمی بۆ رێككه‌وتن له‌گه‌ڵ حكومه‌تی عێراق راگه‌یاند.

 

لە ڕاگەیەندراوێکدا نوسینگەی ڕاگەیاندنی قوباد تاڵه‌بانی، جێگری سه‌رۆكی حکومەتی هەرێم ڕایگەیاند: " ئه‌مڕۆ 28 ته‌مموزی 2020، لە دوو دیداری جیادا پێشوازی كرد له‌ كونسوڵی نوێی ئه‌مه‌ریكا و كونسوڵی نوێی ژاپۆن له‌ هه‌رێمی كوردستان و پێكه‌وه‌ كۆمه‌ڵێك پرسی هاوبه‌شیان تاوتوێكرد، هه‌روه‌ها به‌ته‌له‌فۆنیش له‌گه‌ڵ كونسوڵی گشتیی ئه‌ڵمانیا له‌ هه‌ولێر گفتوگۆی كرد."

 

ئاماژە بەوەشکراوە: " له‌كۆبوونه‌وه‌كه‌ی لەگەڵ کونسوڵی نوێی ئەمریکا باس له‌ گفتوگۆكانی هه‌رێم و حكومه‌تی فیدراڵ كرا، قوباد تاڵه‌بانی، ئاماده‌یی حكومه‌‌تی هه‌رێمی كوردستانی دووپات كرده‌وه‌، بۆ رێككه‌وتن له‌گه‌ڵ به‌غدا، له‌سه‌ر بنه‌مای ده‌ستوری هه‌میشه‌یی عیراق، بۆ چاره‌‌سه‌‌ری ریشه‌‌یی كێشه‌‌ ھه‌‌ڵپه‌‌سێردراوه‌‌كان."

 

ئەوەشخراوەتەڕوو: " ڕۆبرت والێر، كونسوڵی نوێی ئه‌مه‌ریكا له‌ هه‌رێم، گرنگیدانی وڵاته‌ی به‌و دۆسیه‌یه‌ روونكرده‌وه‌ به‌مه‌به‌ستی گه‌یشتن به‌ رێككه‌وتنێكی گشتگیری درێژخایه‌ن له‌سه‌ر پرسه‌ هه‌ڵپه‌سێردراوه‌كانی نێوان هه‌ردوولا."

 

بەگوێرەی ڕاگەیەندراوەکە: " دوا په‌ره‌سه‌ندنی چاكسازییه‌كانی وه‌زاره‌تی پێشمه‌رگه‌ و دوا پێشهاتی سیاسی عێراق، خرانه‌ به‌رباس، هه‌روه‌ها هه‌ردوولا له‌سه‌ر په‌یوه‌ندی درێژخایه‌نی هه‌رێمی كوردستان و ویلایه‌‌ته‌‌ یه‌كگرتووه‌كانی ئه‌مریكا هه‌ڵوێسته‌یان كرد، جه‌ختیشیان له‌ پێویستیی په‌ره‌پێدانی زیاتری په‌یوه‌ندییه‌كان كرده‌وه‌."

 

ئەوەشخراوەتەڕوو: "قوباد تاڵەبانی هەروەها په‌یوه‌ندییه‌كی ته‌له‌فۆنیی له‌گه‌ڵ كونسوڵی گشتی ئه‌ڵمانیا له‌ هه‌رێمی كوردستان له‌باره‌ی په‌یوه‌ندییه‌ دوو قۆڵییه‌كانی هه‌ردوولا ئه‌نجامدا و ره‌وشی هه‌نوكه‌یی كوردستان و عێراق و كۆمه‌ڵێك پرسی جێگه‌ بایه‌خی هه‌ردوولا تاوتوێ كران.

 

ئاماژە بەوەشکراوە: "هاوکات له‌ دیدارەکەی لەگەڵ ناگایاما یۆشینكۆ، كونسوڵی نوێی یابان، باسی په‌یوه‌ندییه‌ دوو قۆڵییه‌كانی نێوان هه‌رێم وڵاتی یابان ـ یان كرد له‌ بواره‌كانی ئابووری و ته‌كنه‌لۆژیا  له‌گه‌ڵ چۆنییه‌تی بره‌‌ودان به‌‌په‌یوه‌ندییه‌ دوو قۆڵییه‌كانی هه‌ردوولا."

 

ئەمە لەکاتێکدایە ماوەی چوار مانگە هەرێم و بەغدا لە گفتوگۆدان بۆ ڕێککەوتن لەسەر کێشە هەڵپەسێردراوەکانی نێوانیان، بەڵام تاوەکو ئێستا نەگەیشتوونەتە ڕێککەوتن.