گه‌ڕان

Shadow Shadow
سیاسه‌تی

 کامیان زیاتر بەختەوەرن ئەوانەى هاوسەرگیرییان کردووە یان ئەوانەى سەڵت و سینگڵن؟

2020.07.28 - 14:56
 کامیان زیاتر بەختەوەرن ئەوانەى هاوسەرگیرییان کردووە یان ئەوانەى سەڵت و سینگڵن؟

ناس کورد-

توێژینەوەیەکی ئەمریکی ئاشکرایکرد مرۆڤەکان ئەگەر پێش پێکهێنانی ژیانی هاوسەرگیری کامەران و بەختەوەر نەبووبن پێناچێت بە ئەنجامدانی هاوسەرگیری بەختەوەرییان دەستبکەوێت، ئاماژە بەوەشکراوە، ڕێژەی بەختەوەری نێوان کەسانی بێ هاوژین و ئەوانەی هاوسەرگیرییان کردووە جیاوازیەکی ئەوتۆی نییە.

 

بەگوێرەی توێژینەوەیەکی زانکۆى "مەشیگان"ی ئەمریکی دەرکەوتووە، " بەختەوەری و هاوسەرگیری پەیوەندیان بە یەکترەوە نییە، چونکە بەشێکی زۆر لەو کەسانەی کە پڕۆسەی هاوسەرگیرییان ئەنجامداوە یان پەیوەندی سۆزداری بەردەوام و پچراویان بووە بەختەوەر نین، بەڵام ئەو کەسانەی کە هاوسەرگیرییان نەکردووە وبێ هاوژینن تاڕادەیەک دەتوانن لەڕێگەی ئەنجامدانی چەند چالاکییەکەوە کامەرانی بەدەست بهێنن".

 

 توێژینەوە ئەمریکییەکە ئەنجامى توێژینەوەکەى لە ئاکامى تاقیکردنەوەیەک بەدەستهێناوە کە لەسەر کۆمەڵێک بەشداربوو ئەنجامدراوە کە هەندێکیان ژیانی هاوسەرگیرییان پێکهێناوە و بەشێکی دیکەشیان بێ هاوژین بوون یان بۆ ماوەیەک پەیوەندی سۆزداریان هەبووە".

 

ولیام چۆبێک، سەرپەرشتیارى توێژینەوەکەی زانکۆی مەشیگان لەو بارەیەوە دەڵێت: " هاوسەرگیری و بێ هاوژینی کاریگەری تەواوی لەسەر بەختەوەری کەسەکان نییە، چونکە زۆرێک لەو کەسانەی هاوسەرگیرییان کردووە دڵخۆش و بەختەوەر نین، بەڵام بەشێکی زۆر لەو کەسانەی کە سەڵتن و بێ هاوژینن  بەختەوەرییان لەڕێگەی ئەنجامدانی چەند چالاکیەکەوە بەدەست دەهێنن".

 

بەگوێرەی دەرخەری بەختەوەری، ئەو کەسانەی کە هاوسەرگیرییان کردووە چوار خاڵیان بەدەستهێناوە ئەوانەشی بێ هاوژینن یان تازە لە پەیوەندییەکى سۆزداری هاتوونەتە دەرەوە ڕێژەی بەختەوەریان 3.8  خاڵ بووە. توێژینەوەکە حەوت هەزار و532 کەسی گرتوەتەوە کە تەمەنیان لەنێوان 18 بۆ 60 ساڵیدا بووە کە زۆرینەیان بەدرێژایی ژیانیان  هاوژینیان بووە.

 

ئاماژە بەوەشکراوە،"گەڕان بەدوای بەختەوەری تەنها لەڕێگەی هاوسەرگیری کارێکی ڕاست نییە ئەگەر پێشتر کامەران و بەختەوەر نەبووبێت".