گه‌ڕان

Shadow Shadow
سیاسه‌تی

سەرۆك وەزیرانی عێراق گواستنەوەی گەنم لەنێوان پارێزگاكان قەدەغە دەكات

2019.04.20 - 17:44
App store icon Play store icon Play store icon
سەرۆك وەزیرانی عێراق گواستنەوەی گەنم لەنێوان پارێزگاكان قەدەغە دەكات

کەناڵی ناس کورد لە تێلیگرام جۆین بکە   

ناس كورد-
عادل عەبدولمەهدی سەرۆك وەزیرانی عێراق بڕیاری قەدەغەكردنی گواستنەوەی گەنمی لەنێوان شارەكانی عێراق قەدەغەكرد جگە لەو بارهەڵگرانەی وەزارەتی بازرگانی عێراق كە گەنم دەگوێزنەوە.

.

فەریق روكن محەمەد حەمید بەیاتی سكرتێری سەرۆك وەزیرانی عێراق رایگەیاند "فەرماندەی گشتی هێزە چەكدارەكانی عێراق فەرماندەی ئۆپراسیۆنە هاوبەشەكان و دەستەی خاڵە سنورییەكان و فەرماندەی هێزەكانی پاسەوانی سنور و سەرجەمی دەزگا ئەمنییەكانی عێراق و سەرجەمی بازگە دەرەكییەكانی نێوان سنوری ئیداری پارێزگاكان راسپاردووە رێگە نەدەن بە گواستنەوەی گەنم لەنێوان پارێزگاكان".

.

بەوتەی بەیاتی راسپاردەكەی سەرۆك وەزیران تەنها ئەو بارهەڵگرانەی وەزارەتی بازرگانی و كۆمپانیاكانی گواستنەوەی خۆراك ناگرێتەوە كە هەماهەنگیی رەسمییان لەگەڵ وەزارەتی بازرگانی هەیە و گەنم لە بەندەری ئوم قەسر و نێوان پارێزگاكان دەگوازێتەوە.

.

سكرتێرەكەی سەرۆك وەزیرانی عێراق ئامانجی دەركردنی ئەو بڕیارەی بۆ رێگریكردن لە بەقاچاخبردنی گەنمی جوتیاران گەڕاندەوە.