گه‌ڕان

Shadow Shadow
سیاسه‌تی

ئەوین و سیاسەت لەسەر دیوارەکانى هەولێر ’ڕوخسارى دونیا لە چاوەکانتدا دەبینم’

2020.07.27 - 14:15
ئەوین و سیاسەت لەسەر دیوارەکانى هەولێر ’ڕوخسارى دونیا لە چاوەکانتدا دەبینم’

ناس کورد-

ڕاپۆرتێكی كەناڵی حوڕەی ئەمریكی ئاماژە بەوە دەکات، ڕۆژگارێك نیرۆنی ئیمپراتۆری ڕۆمانیا ئەوەى بەخەیاڵدا نەهاتووە كە نەرمین بەگڕتێبەردانی دڵی خۆشەویستەكەی دەبێتە كێبڕكێكاری لەسەر دیواری كوچەو كۆڵانەكانی شاری هەولێر، ئەوەش وەكو ئاماژەیەك بۆ گوازارشتكردن لەخۆشەویستی نێوان كچ و كوڕ بەنوسینی سەر دیوارەكان و زۆرجاریش بۆ دەربڕینی بیروبۆچونی سیاسی.

 

بەدەستوخەتێكی خوارو خێچ و بەبۆیەی شین کەسێک نوسیویەتی :"نیرۆن ڕۆمای سوتاند و نەرمینیش دڵی من". 

 

بەڵام جیاوازی ئەو دوو نوسینە ئەوەیە كە نوسەرەكەی بەكردار شەیدای خۆشەویستەكەی بووە.

 

لەسەر دیوارەکانى تر ناو و مێژو و شێوەى دڵ کێشراوە لەلایەن کەسانێکەوە بۆ ئەوەى ناوى خۆشەویستەکانیان بە نەمرى بهێڵنەوە. 

 

لەژێر پردی ناوچەیەكی دوورە دەست لەیەكێك لەشارە گەورەكانی هەرێم کە هەوڵ بۆ هاوسەنگكردنی نێوان دابونەریت و سەردەمی تازەگەرید دەدات، ئاڵا زیاد بۆ خۆشەویستەكەی نوسیویەتی :"هەموو ساڵێك بەخۆشیی دڵەكەم". 

لەناوچەكانی هەولێر و سلەیمانیشدا كە بەراورد بەناوچەكانی دیكەی عێراق كراوەترن و ئاوەدانی زۆرتری پێوە دیارە، بەڵام قەدەغەكراوەكان هەروەكو ناوچەكانی دیكەی ڕۆژهەڵاتی ناوەڕاست ماوەتەوە.

 

هەر بەپێی ڕاپۆرتی كەناڵەكە، ئەو دابونەریتە كوردییانە یاخود ئەوانەی كە ڕەنگدانەوەى ئاینی ئیسلامن بەسەر كۆمەڵگەوە، نەیتوانیوە ڕێگە لە گەنجەكان بگرێت بۆ دەربڕینی ئاین لەخۆشەویستیدا گەر تەنانەت بەنوسین لەسەر دیوارەكانیش بێت.

 

ئەو دەربڕینە ڕۆمانسیانە سنوربڕە و لەناوەڕۆكەكەشیدا پرسی كوردیشی لەخۆگرتووە، تەنانەت لەبارەی دۆخی سوریاشەوە كە شەڕ وێرانی كردووە.

 

بەخەتێكی نیلی تۆخ یەكیك نوسیویەتى، بەچوونە ناو وڵاتی شامەوە بەچاوی خۆت داستانەكانی خۆشەویستی دەبینیت.

لەسیاسەتیشدا ناوی كۆبانێ كە دەكەوێتە پارێزگای حەڵەبی سوریاوە و لەدوای شەڕی داعش هەزارەها كوردی تێدا ئاوارە بووە بەرەو هەرێمی كوردستان، یەكێكی دیكەیە وەكو دەربڕینی خۆشەویستی ناوەكەی لەسەر دیوارەكان دەنوسرێت و ون نەبووە.

 

كەناڵەكە دەشڵێت، سەرباری ئەوانەش، بەڵام بارودۆخی سەختی ئابوری و ژیانی خەڵكی كە بەخراپترین قەیرانی ئابوریدا تێپەڕدەبێت بەتایبەتى پەتاى کۆرۆناشى گرتووەتەوە كاریگەری بۆ دوورخستنەوەی خۆشەویستان لەیەكتر هەبووە.

 

لەو بارەیەوە یەكێكی دیكە نوسیویەتی :"هەر ئەوەندەی بە كچێكت وت هەژاریت، ئیدی خوشكێكی نوێت بۆ پەیدا دەبێت" ئەوەش وەكو ئاماژەیەكە بۆ خراپی دۆخە داراییەكە لەنێوان خۆشەویستاندا.