گه‌ڕان

Shadow Shadow
سیاسه‌تی

%70 ى كەسانى پێگەيشتوو لە جيهاندا ئەو ڤيتامينەيان كەمە

زانايان بەهێزترين ڤيتامين بۆ ڕوبەڕوبونەوەى كۆرۆنا ئاشكرا دەكەن

2020.07.26 - 23:47
زانايان بەهێزترين ڤيتامين بۆ ڕوبەڕوبونەوەى كۆرۆنا ئاشكرا دەكەن

ناس کورد- 

لە لێكۆڵينەوەيەكى نوێدا زانايان ئاشكرايانكرد، ڤيتامين D بە تواناترين ڤيتامينە بۆ ڕوبەڕوبونەوەى ڤايرۆسى كۆرۆنا، چونكە پەيوەندى پتەوى لەگەڵ سيستمى بەرگرى جەستەدا هەيە و تواناى ڕوبەڕوبونەوەى ڤايرۆسى هەيە.

 

بەگوێرەى لێكۆڵينەوەيەك كە "خزمەتگوزارى ليئۆميد بۆ چاودێرى تەندروستى" و كۆلێژى پزيشكى زانكۆى بار ئايلان ئەنجاميانداوە، كەمبونى ڕێژەى ڤيتامين D هۆكارێكى مەترسييە بۆ توشبوون بە ڤايرۆسى كۆرۆناى نوێ ئەوەش دواى لێكۆڵينەوە لە 782 توشبووى ڤايرۆسى كۆرۆنا و 7825 تووشنەبوو.

 

لە لێكۆڵينەوەكەدا كە لە گۆڤارى FEBS بڵاوكراوەتەوە چەند هۆكارێكى تەندروستى گرنگ لەبەرچاو گيراوە وەك تەمەنى بەشداربو و ڕەگەز و بارودۆخى كۆمەڵايەتى و نەخۆشى درێژخايەن.

 

جەختیشكراوەتەوە، 70% ى كەسانى پێگەيشتوو لە جيهاندا كێشەى كەمى ڤيتامين D يان هەيە.

 

هەر لەو لێكۆڵينەوەدا كە گەورەترين لێكۆڵينەوەيە تائێستا لەو بوارەدا كرابێت ڕونكراوەتەوە، پێويستە لە هاويندا ماوەى 30 خولەك لەبەر خۆردا بمێنيتەوە و بڕى پێويستيش ڤيتامين D وەرگريت چونكە هاوكار دەبێت لە خۆپاراستن لە پەتاكان، ئەوەش سەرەڕاى ئەوەى كە تائێستا ئەو میکانیزمە ڕوون نييە كە لەرێگەيەوە ڤيتامينەكە جەستە دەپارێزێت.

 

دەتوانيت لەڕێگەى ڕۆنى ماسى، زەردێنەى هێلكە، گۆشت ياخود تەواوكەرە خۆراكيەكانەوە ڤيتامين D وەربگريت، لە ديارترين نيشانەكانى كەمى ڤيتامينەكەش بەتايبەتى لە كەسانى بەتەمەندا بريتين لە لاوازى ماسولكە و ماندوێتى بەردەوام و زۆرى كێش.