گه‌ڕان

Shadow Shadow
چیرۆكه‌كانمان

بۆ پاراستنی ناوچەکە پێویستە پێشمەرگە بگەڕێتەوە

ئەو داعشانەی لە سنوری حەویجە كوژراون خەڵکی ناوچەکەن

2019.04.20 - 14:07
App store icon Play store icon Play store icon
ئەو داعشانەی لە سنوری حەویجە كوژراون  خەڵکی ناوچەکەن

کەناڵی ناس کورد لە تێلیگرام جۆین بکە   

ناس كورد- هەڤاڵ فەتاح

.

پاش ئەوەی شانەی ڕاگەیاندنی ئاسایشی عێراق، کوشتنی 12 داعشی لە ئۆپراسیۆنێكی هێزەكانی دژەتیرۆری عێراق لە حەویجە ڕاگەیاند، ئەندامێکی ئەنجومەنی قەزای حەویجە ئاشکرایکرد، ئەو داعشانەی لە سنوری حەویجە كوژراون خەڵکی ناوچەکەن.

.

ئەحمەد خورشید ئەندامی ئەنجومەنی قەزای حەویجە تایبەت بە ناس كورد-ی راگەیاند: "بەهۆی ئەو لافاو و بارانبارینەی كە لە چەند ڕۆژی ڕابردوودا ناوچەكانی حەویجە و دەوروپشتی گرتبوەوە، زۆربەی ئەو تونێلانەی كە چەكدارانی داعش خۆیانیان تیایدا حەشاردابوو پڕبوبوون لە ئاو، بەوهۆیەوە ناچاربوون بێنە دەرەوە، پاشان لەلایەن فرۆكەكانی ئەمریكاوە بە ئامانج کران".

.

"ئەو چەكدارانە هەموویان عیراقین و خەڵكی ناوچەكانی (حەویجە، عەباسیە و زاب)ن، کە سەر بە  پارێزگای كەركوكن، پێویستە هێزی پێشمەرگە بگەڕێتەوە ئەو ناوچانەی كە پێش 16 ئۆكتۆبەر لە ژێر كۆنترۆڵیدا بووە، بۆ پاراستنی ناوچەکە"، ئەو ئەندامەی ئەنجومەنی قەزای حەویجە وای وت.

.

وتیشی، ئەگەر هەموو ناوچەكە بكەوێتە ژێر دەستی داعشەوە حكومەتی عێراقی بە هیچ شێوەیەك  داوا ناكات هێزی پێشمەرگە بگەڕێتەوە.

.

دوينى هەینی 19ی نیسان 2019،شانەی ڕاگەیاندنی ئاسایشی عێراق ڕایگەیاند، هێزەێكی تایبەتی دژەتیرۆری عێراق، توانیویەتی لە ئۆپراسییۆنێکدا لە قەزای حەویجە 12 چەکداری داعش بكوژێت، كە چواریان سەركردەی دیاری ئەو ڕێكخراوە بوون.

.

.