گه‌ڕان

Shadow Shadow
سیاسه‌تی

خاڵێکى پشکنین بۆ هەر پارێزگایەک

دواى دەروازەکان، کازمى دەست بۆ خاڵەکانى پشکنین دەبات

2020.07.26 - 22:51
دواى دەروازەکان، کازمى دەست بۆ خاڵەکانى پشکنین دەبات

ناس كورد-

مستەفا کازمى سەرۆکوەزیرانى عێراق رەزامەندى نیشاندا لەسەر پێکهێنانى لیژنەیەک بۆ پێداچونەوە بەخاڵەکانى پشکنیندا، بەجۆرێک لەدەروازەى هەر پارێزگایەکدا یەک بازگە بوونى هەبێت.

 

بەپێی نوسراوێک کە واژۆى فەریق روکن محەمەد حەمید کازم سکرتێرى تایبەتى فەرماندەى گشتى هێزە چەکدارەکانى لەسەرەو ئاڕاستەى ئۆپراسیۆنە هاوبەشەکان کراوە، کازمى رەزامەندیداوە لەسەر پێکهێنانى لیژنەیەک بەسەرۆکایەتى لیوا روکن مەجید محەمەد بەرێوەبەرى سەنتەرى ئۆپراسیۆنە هاوبەشەکان و دوو نوێنەر لە وەزارەتەکانى بەرگرى و ناوخۆ.

 

 ئەرکى لیژنەکە بەپێی نوسراوەکە، پێداچونەوەیە بە خاڵەکان پشکنین و هێشتنەوەى تەنها یەک خاڵى پشکنینى سەرەکى لەدەروازەى هەر پارێزگایەک بەتەواوى پێداویستییەکانەوە، لەگەڵ گەڕانى لەناکاوى کاروانى هێزە ئەمنییەکان لەکاتى جیاجیادا لە رێگە سەرەکیەکانى دەرەوەى شارەکان.

 

جەختیشیکراوەتەوە کە پێویستە لیژنەکە بەزوویی ئەنجامى کارەکانى بخاتە بەردەم لایەنە پەیوەندیدارەکان.

 

ئەو هەوڵە نوێیەى حکومەتى عێراق بەسەرۆکایەتى مستەفا کازمى، دواى کۆنتڕۆڵکردنى دەروازە سنورییەکان هات لەلایەن فەرماندەیی ئۆپراسیۆنە هاوبەشەکانەوە، کە ئامانج لێی دروخستنەوەى دەستى گروپە چەکدارەکان و نەهێشتنى گەندەڵى بوو.