گه‌ڕان

Shadow Shadow
سیاسه‌تی

ئێران هەژارى سوريەكان بەكاردەهێنێت و دەيانكات بە سەرباز

2020.07.26 - 22:29
ئێران هەژارى سوريەكان بەكاردەهێنێت و دەيانكات بە سەرباز

ناس کورد-

كۆمارى ئيسلامى ئێران لە چەندين ناوچەى سوريا دەستى كردووە بە چالاكى بۆ ڕاكێشانى گەنجان و منداڵان، بۆ ئەوەش هەژارى و پێداويستى دانيشتوانى ناوچەكە وەك هەل بەكاردەهێنێت كە بەهۆى جەنگەوە ڕووبەڕبووى بونەتەوە، ئەوەش لەپێناو فراوانكردنى هەژمونى ڕۆشنبيرى و عەقيدەكانى خۆى.

 

ڕوانگەى سورى بۆ مافەكانى مرۆڤ بڵاويكردوەتەوە، هێزەكانى ئێران گەنجان ڕادەكێشن و دەيانكەن بە چەكدار، وێنەى ئێران لەبەردەم خەڵكى ناوچەكە كە دەكەوێتە ژێر كۆنترۆڵى خۆيان جوان دەكەن و هەوڵى ئەوە دەدەن بيركردنەوەى خۆيان لە مێشكى منداڵەكاندا بچێنن.

 

ڕوانگەكە ئەوەشى ڕونكردوەتەوە، ناوەندى ڕۆشنبيرى ئێران گەشتى بۆ نزيكەى 30 منداڵى دێرەزوور ڕێكخستوە بۆ باخچەى هاوڕێيان كە ئێران لە "حويجە سكر" دروستى كردوە، گەشتەكە لە چوارچێوەى چالاكيەكانى ئێران بوو بۆ ڕاكێشانى دانيشتوانى ناوچەكە كە هاوكارى دارايى و چالاكى بەكاردەهێنێت بۆ ئەو كارەى.

 

ئەوەش هاتووە، چالاكيەكانى ئێران تەنها هەوڵدان نييە بۆ فراوانكردنى هەژمونى مەعنەوى خۆى، ميليشياى فاتميەكان كە سەربە ئێرانن لەو ناوچانەى كە بونيان هەيە لە "ريفى مەيادين" يەكێتى جوتيارانى سەربە ڕژێمى سوريايان هەڵوەشاندوەتەوە و دەستيان كردووە بە وەبەرهێنان لە  زەويە كشتوكاڵيەكان و جوتيارەكانيش بە كرێيەكى كەم كاريان بۆ دەكەن.

 

جەختیشكراوەتەوە، تاران شەڕى سوريا بەهەل وەردەگرێت بۆ فراوانكردنى هەژمونى خۆى و كۆكردنەوەى چەكدار و ميليشيا و بڵاوكردنەوەى پرەنسیپەکانى ڕژێمى ئەو وڵاتە.

لە مانگى سێى ئەمساڵيشدا هەر ڕوانگەى سورى بۆ مافەكانى مرۆڤ پرۆسەى بە سەربازگرتنە نهێنيەكانى ئاشكرا كرد كە لەلايەن ميليشياكانى سەربە تارانەوە ئەنجام دەدرێن، وەك حزبوڵڵاى لوبنان، ئەويش لە باشورى سوريا و كەنارەكانى خۆرئاواى ڕوبارى فورات.

 

ڕوانگەكە دەڵێت، بە سەربازكردن بەرامبەر بڕێك پارەيە، هەروەها بەردەوام يارى لەسەر بيروباوەڕى ئاينى و مەزهەبى دەكرێت ئەويش لەڕێگەى پرۆسەكانى بە شيعەكردن.

 

بەپێى زانياريەكان ئەو ڕوانگەيە، ئەوانەى وەك خۆبەخش چوونە ڕيزەكانى ميليشياكانى ئێرانەوە لە باشورى سوريا گەيشتوەتە 5350 كەس، ئەوانەشى لەماوەى دوايدا لە ناوچەكانى خۆرئاواى فورات و ڕيفى دێرەزوور كراون بە سەرباز ژمارەيان 3600 كەسە.