گه‌ڕان

Shadow Shadow
سیاسه‌تی

ماوەى 8 ساڵە چى دەكات لە بەغدا؟

بەڵگەنامەکانى مانەوەى هیلا میفیس لە عێراق قسەى میلیشیاکان بەدرۆدەخاتەوە 

2020.07.26 - 18:12
بەڵگەنامەکانى مانەوەى هیلا میفیس لە عێراق قسەى میلیشیاکان بەدرۆدەخاتەوە 

ناس کورد- 

بەگوێرەى ئەو بەڵگەنامانەى دەزگاكانى ڕاگەياندنى عێراق و چالاكوانان بڵاويانكردوەتەوە، تۆمەتەكانى حەشدى شەعبى كە ئاراستەى "هيلا ميفيس" چالاكوانى ئەڵمانى كراوە بەوەى كە بەشێوەيەكى ناياسايى لە عێراقە ڕاست نين و ناوبراو بە فەرمى هاتووەتە عێراقەوە.

 

دواى ئەوەى ئەو چالاكوانە ڕفێنرا ڕۆژى هەينى ڕابردوو هێزە ئەمنيەكان ڕزگاركردنى هيلايان ڕاگەياند، ئەوەش دواى چوار ڕۆژ لە ڕفاندنى لە ناوچەى "ئەبو نەواس" لە نزيك گەڕەكى كەڕادە لە ناوەڕاستى شارى بەغدا.

 

بەگوێرەى بەڵگەنامەكان هيلا ممفيس بە ڤيزاى فەرمى كە ماوەكەى بۆ يەك ساڵە هاتووەتە عێراقەوە و دواتريش بۆ ماوەى سێ مانگ نوێى كردووەتەوە، هەروەها داوايەكى ترى ئاراستەى وەزارەتى ڕۆشنبيرى عێراق كردووە بۆ دووبارە نوێكردنەوەى.

 

لەسەرەتاوە سەركردەى ميليشياكان و حەشدى شەعبى سەرکۆنەى ڕفاندنى هيلايان كرد و تەنانەت يەكێكيان مستەفا كازمى سەرۆكوەزيرانى بە پلاندانان بۆ ڕفاندنى تۆمەتبار كرد، ئەوەش بووە جێى گاڵتەوگەپ لەسەر ئاستێكى فراوان.

ئاژانسى ڕۆژنامەوانى فەرەنسا بڵاويكردوەتەوە، دەسەڵاتدارانى عێراقى كەسێكيان دەستگير كردووە كە گومانى ئەوەى لێدەكرێت لەپشت ڕفاندنەكەوە بووبێت، دواتر ڕێكکەوتن كراوە لەبەرامبەر ئازادكردنى چالاكوانە ئەڵمانيەكە ئەويش ئازاد بكرێت.

 

ئاژانسەكە باسى لەوەكردوە، كەسەكە ئەوەى ئاشكرا كردووە كە سەربە حەشدى شەعبييە و بەبێ ئەوەى هيچ تۆمەتێكى ڕوبەڕوبكرێتەوە ئازاد كراوە، ئەوەش بۆ ڕێگەگرتن لە دروستبوونى پێكدادان.

 

پێگە و ئەكاونتەكانى حەشدى شەعبى هيلايان بەوە تۆمەتبار دەكرد كە سيخوڕە، دواتريش "موهەنەد عقابى" بەڕێوەبەرى ڕاگەياندنى حەشد داواى لە دەزگا هەواڵگريەكان كرد كە لێكۆڵينەوە لە بوونى ناوبراو لە عێراق بكەن كە ماوەى هەشت ساڵە لە عێراقە بەبێ بوونى ڕەزامەندى ئەمنى.

 

تويتەكەى ئەو وتەبێژەى حەشدى شەعبى گومانى دروستكرد، بەتايبەتى كە دواى ماوەيەكى كەم بوو لە ڕاگەياندنى ڕزگاركردنى هيلا.