گه‌ڕان

Shadow Shadow
سیاسه‌تی

گەنجێک لەناو باخی گشتیی هەڵەبجە خۆی بەدارێکدا هەڵواسی و خۆی خنکاند

2020.07.26 - 15:46
گەنجێک لەناو باخی گشتیی هەڵەبجە خۆی بەدارێکدا هەڵواسی و خۆی خنکاند

ناس کورد-

وتەبێژی بەڕێوەبەرایەتی گشتیی پۆلیسی هەڵەبجە رایگەیاند، گەنجێکی تەمەن 39 ساڵ لەناو باخی گشتیی شارەکە خۆی خنکاند و تائێستاش هۆکارەکەی نادیارە.

 

ئەمڕۆ یەکشەممە، 26ی تەموزی 2020، لە ڕاگەیەنراوێکدا بەرزان عوسمان، وتەبێژی بەڕێوەبەرایەتی گشتیی پۆلیسی هەڵەبجە ڕایگەیاند: "پاشنیوەڕۆی ئەمڕۆ گەنجێکی تەمەن 39 ساڵ کە پیشەی کاسب بووە،  شەممە لەناو باخی گشتی شارەکە خۆی خنکاند."

 

ئاماژەی بەوەشكردووە، تاوەکو ئێستا هۆکاری خۆکوشتنی ئەو گەنجە نەزانراوە و پەڕاوی لێکۆڵینەوە بۆ ڕووداوەکە کراوەتەوە.

 

لەچەند مانگی ڕابردوودا و بەهۆی قەیرانی دارایی و نەبوونی بژێوی ژیانی هاووڵاتیان، ڕووداوەکانی کوشتن و خۆکوشتن زیادیان کردووە و بەشێکی زۆری ڕووداوەکانی خۆکوشتنیش بەهۆی کێشەی داراییەوە بوون.