گه‌ڕان

Shadow Shadow
سیاسه‌تی

حکومەتی هەرێم بۆ پەرلەمان: سەبارەت بە کێشەکان سێ وەزیر دەنێرینە پەرلەمان

2020.07.23 - 19:33
App store icon Play store icon Play store icon
حکومەتی هەرێم بۆ پەرلەمان: سەبارەت بە کێشەکان سێ وەزیر دەنێرینە پەرلەمان

ناس کورد-

حکومەتی هەرێمی کوردستان وەڵامی نوسراوێکی پەرلەمانی کوردستانی لەبارەی، قەیرانی دارایی و موچەی فەرمانبەران و دانوستاندنەکانی شاندی هەرێمی کوردستان لە بەغدا دایەوە و ڕایگەیاند، سێ وەزیر، سەرۆکی دیوانی ئەنجوومەنی وەزیران و سکرتێری ئەنجوومەنی وەزیران ئامادە دەبن.

کەناڵی ناس کورد لە تێلیگرام جۆین بکە   

 

ئەمڕۆ پێنجشەممە 23ی تەموزی 2020، سەرۆکایەتی ئەنجومەنی وەزیران نوسراوێکی بە واژووی ئومێد سەباح، سەرۆکی دیوانی ئەنجومەنی وەزیران ئاڕاستەی پەرلەمانی کوردستان کردووە.

 

لە نوسراوەکەدا هاتووە: "سەبارەت بە نوسراوی پەرلەمانی کوردستان دەربارەی قەیرانی دارایی و موچەی فەرمانبەران و دانوستاندنەکانی شاندی هەرێمی کوردستان و حکومەتی عێراق، سێ وەزیر لە دانیشتنی پەرلەمان لە ڕۆژی سێشەممە ڕێکەوتی 28ی تەموز ئامادەدەبن."

 

بەگوێرەی نوسراوەکە، ئەو وەزیرانەی لە دانیشتنەکە ئامادەدەبن  پێکهاتوون لە هەریەک لە وەزیری دارایی و وەزیری پلاندانان و وەزیری هەرێم بۆ کاروباری دانوستاندن لەنێوان هەرێمی کوردستان و بەغدا.

 

ئەوەش لەکاتێکدایە،، پێشتر سەرۆكی پەرلەمانی كوردستان لە نوسراوێکدا داوای لە ئەنجوومەنی وەزیرانی هەرێمی كوردستان كرد، چەند وەزیرێك بەپێی داوای لیژنەكانی پەرلەمان و ئەندامانی پەرلەمان لەسەر پرسە هەنووكەییەكان بنێرێتە پەرلەمان، بۆ ئامادەبوون لە كۆبوونەوەكانی پەرلەمانی كوردستان لە رۆژانی 26 و 27 و 28ـی ئەم مانگە.