گه‌ڕان

Shadow Shadow
سیاسه‌تی

ڕاگەیەندراوێک لە وەزارەتی کارەباوە دەربارەی کاتژمێرەکانی پێدانی کارەبا

2020.07.23 - 18:07
ڕاگەیەندراوێک لە وەزارەتی کارەباوە دەربارەی کاتژمێرەکانی پێدانی کارەبا

ناس کورد-

وەزارەتی کارەبای هەرێم ڕایگەیاند، بەهاوکاری لەگەڵ وەزارەتی سامانە سروشتییەکان سبەینێ بەرهەمهێنانی غازی سروشتی دەکەن بەوەش 100 مێگاوات کارەبا زیاد دەبێت و کاریگەری لەسەر زیادبوونی ماوەکانی پێدانی کارەبا دەبێت.

 

لە ڕاگەیەندراوێکدا وەزارەتی کارەبای هەرێم ڕایگەیاند: "لەچوارچێوەی هەوڵەكانی حكومەتی هەرێمی كوردستان بۆ زیادكردنی بەرهەمهێنانی غازی سروشتی و بەرهەمهێنانی كارەبا، سبەینێ پرۆسەی تەكنیكی زیادكردنی غاز  ئەنجامدەدرێت و 100 مێگاوات كارەبا زیاد دەبێت و كاریگەریی لەسەر زیادبوونی ماوەكانی پێدانی كارەبا دەبێت."

 

ئاماژەی بەوەشکردووە،  وەزارەتی كارەبا بەهەماهەنگی لەگەڵ وەزارەتی سامانە سروشتیەكان لەهەوڵی بەردەوامدایە بۆ بنیاتنانی ژێرخانی كارەبا و زیادكردنی ماوەكانی پێدانی كارەبا بەتایبەتی لەم وەرزەی هاوینەدا بۆ ئەوەی بەپێی تواناو بەباشترین شێوە خزمەتی هاووڵاتیان بكات.

 

ئەمەش لەکاتێکدایە، ساڵانە لەگەڵ هاتنی وەرزی هاوین و وەرزی زستاندا، پێدانی کاتژمێرەکانی کارەبای نیشتیمانی کەم دەکات، ئەوەش بەهۆی زۆری خواست لەسەر کارەبا لەو دوو وەرزەدا.