گه‌ڕان

Shadow Shadow
سیاسه‌تی

هێمن هەورامی ’’ڕێگەی نەدا داواکاری دامەزراندنی یەکەمەکانی زانکۆ ڕەوانەى حکومەت بکرێت’’

2020.07.21 - 21:39
App store icon Play store icon Play store icon
هێمن هەورامی ’’ڕێگەی نەدا داواکاری دامەزراندنی یەکەمەکانی زانکۆ ڕەوانەى حکومەت بکرێت’’

ناس کورد-

لە وەڵامی داواکارییەکی فراکسیۆنی کۆمەڵ بۆ دامەزراندنی دەرچووانی یەکەم و دووەمی و سێیەمی زانکۆ و پەیمانگاکان، جێگری سەرۆکی پەرلەمانی کوردستان ئامادە نەبووە داواکارییەکە ئاڕاستەی حکومەت بکات و ڕایگەیاندووە، حکومەت پێی وتوون، ئەو جۆرە داواکاریەیان پێشکەش نەکرێت، چونکە هەرێم هەموو جۆرە دامەزراندنێک ڕاگیراوە.

کەناڵی ناس کورد لە تێلیگرام جۆین بکە   

 

عەبدولستار مەجید، سەرۆکی فراکسیۆنی کۆمەڵ لە پەرلەمانی کوردستان لە هەژماری خۆی لە تۆڕی کۆمەڵایەتی فەیسبوک بڵاویکردەوە: "لە سەرەتای مانگی ئازار و بۆ پاڵپشتی دەرچووانی (یەکەم و دووەم و سێھەم)ـی زانکۆ و پەیمانگەکان، لە ڕێگەی سەرۆکایەتی پەرلەمانەوە یاداشتێکمان ئاراستەی حکومەت کرد بۆ دامەزراندنی دەرچوانی ساڵانی (٢٠١٦ تا ٢٠١٨) .

 

لە وەڵامی داواکەدا، هێمن هەورامی، جێگری سەرۆکی پەرلەمانی کوردستان نوسراوێکی ئاڕاستەی فراکسیۆنی کۆمەڵ کردووە و  تیایدا هاتووە: "ئەنجومەنی وەزیران سەبارەت بەو بابەتە ڕایانگەیاندووە، کە ئەو جۆرە داواکاریەیان ئاڕاستە نەکرێت، چونکە هەموو جۆرە دامەزراندنێک ڕاگیراوە، بەلەبەرچاوگرتنی دۆخی دارایی هەرێم".

لەوبارەیەوە، عەبدولستار مەجید نوسیویەتی: "بەداخەوە کە حکومەت تەنانەت نایەوێت ھیچ داواکارییەکی لەو جۆرەشیان ئاراستە بکرێت ، بەڵام ئێمە لە پشتگیری داوای ئەو کوڕ و کچە دەرچووانە کۆڵ نادەین و بەردەوام دەبین".

 

ئاماژەی بەوەشكردووە: " پێویستە حکومەت بێتە ژێرباری داوای ڕەوای ئەم دەرچووانە و ساڵانە بودجەیەک بۆ دامەزراندنیان تەرخان بکات، ئەگەر چاوەڕێی باشبوونی دۆخی داراییتان بکەین، ئەوە ماوەی 30 ساڵە ئێوە ھەر دەڵێن دۆخی داراییمان باش نیە".

 

ئەمە لەکاتێکدایە، ژمارەیەکی زۆر لە دەرچووانی یەکەم و دووەم و سێیەمی زانکۆ و پەیمانگاکان بۆ ساڵەکانی 2016 تا 2018 لە چاوەڕوانی دامەزراندان.