گه‌ڕان

Shadow Shadow
سیاسه‌تی

ڕێککەوتنەکان دەربارەی چین؟

میدیای فەرمی عێراق: عێراق و سعودییە چەند ڕێککەوتنێکی جیاواز واژو دەکەن

2020.07.20 - 15:42
میدیای فەرمی عێراق: عێراق و سعودییە چەند ڕێککەوتنێکی جیاواز واژو دەکەن

ناس کورد-

شاندی حکومەتی عێراق لە سعودییە چەند ڕێککەوتنێک لەگەڵ ئەو وڵاتە واژو دەکات و ئاژانسی عێراقی فەرمیش دەڵێت، ڕێککەوتنەکان لەبوارەکانی وزە و وەبەرهێنان و پەروەردەدایە.

 

ئەمڕۆ (دووشەممە، 20ی تەموزی 2020)، ئاژانسی عێراقی فەرمی ڕایگەیاند: " عێراق و سعودیە چەند ڕێککەوتنێک لەمیانەی لیژنەی هەماهەنگی نێوان هەردوو وڵاتدا واژو دەکەن". 

 

ئاماژەی بەوەشكردووە :"ڕێککەوتنەکان لەبوارەکانی وزە، وەبەرهێنان، پەروەردە، وەرزش و چەند بوارێکی دیکەدان".

 

دوێنێ (یەکشەممە)، شاندەکەی حکومەتی عێراق بە سەرۆکایەتی عەلی عەلاوی، وەزیری دارایی و جێگری سەرۆکوەزیرانی عێراق گەیشتە ڕیازی پایتەختی سعودییە بۆ واژوکردنی گرێبەستەکان و ئامادەکاری بۆ چوونی مستەفا کازمی، سەرۆکوەزیران بۆ ئەو وڵاتە.

 

ئەگەرچی بڕیاربوو ئەمڕۆ مستەفا کازمیش بەسەردانێکی فەرمی بچێتە سعودیە، بەڵام سەردانەکە دواخرا بۆ کاتێکی نادیار و سەرۆکایەتی دیوانی پاشایەتی سعودیە ڕایگەیاند، بەهۆی ناجێگیری تەندروستیی شاسەلمانی شای سعودییە سەردانەکە دواخراوە.